عه‌له‌وی وه‌ سه‌رۆكايه‌تی شانديگ سه‌ردان تاڵه‌بانی ئه‌كا

عه‌له‌وی له‌باسيگ ئه‌را رووژنامه‌ی حه‌يات له‌نده‌نی ك(شه‌فه‌ق نيوز)ئاگاداری بوی، وت: هه‌ردوگ سه‌نديكای رووژنامه‌نويسی و پاريزه‌ره‌يل عراقی و بڕيگ له‌ ريكخرياگه‌يل كوومه‌ڵگه‌ی مه‌ده‌نی ری وه‌پيم دانه‌ شانديگ وه‌ سه‌رۆكايه‌تی خوه‌م دامه‌زرنم ئه‌را سه‌ردان ئه‌ڵمانياو مه‌سه‌له‌ی چاره‌نويس تاڵه‌بانی.

عه‌له‌وی باس له‌وه‌يش كرد ك پرووسه‌ی سياسی له‌عراق ئه‌را ماوه‌ی فيشتر له‌ دوساڵه‌ مردگه‌ وه‌تايبه‌ت له‌وه‌ختيگه‌و ك جه‌لال تاڵه‌بانی تويش نه‌خوه‌شی هاتگه‌و ئه‌را ماوه‌ی چه‌ن مانگيگه‌ كه‌س چاره‌نويسی نازانيد، بيجگه‌وه‌ يه‌يش عه‌له‌وی نوری مالكی سه‌رۆك حكوومه‌ت وه‌ هه‌وڵ كووتاييهاوردن وه‌ ده‌ور ته‌شريعی له‌ په‌رله‌مان تومه‌تبار كرد وه‌ ئه‌وه‌ك ته‌نيا رييگه‌ ئه‌را ديموكراسيه‌ت له‌عراق ك مالكی په‌كی خستگه‌.

ج . أ