شارەزای کەشناسی وەناوبانگ هۆڵەندی هوشداری خوەرهەڵات ناوڕاس لە کارەسات دەێد

شەفەق نیوز/ فرانک هۆگربیتس شارەزای زەویلەرزەی وەناوبانگ هۆڵەندی، ئمڕوو دووشەممە، هوشداری زویوەزوی کرد لە هەڕەشەی قومیان کارەساتیگ لە ناوچەی خوەرهەڵات ناوڕاس، و مەزەنەی رویدان زەویلەرزەی تونیگ لە ناوچەگە کرد.

هۆگربیتس وت: 4 رزارەی هەسارە دیریمن، خۆر و زوهرە و موشتەری و زوهرە و زوحەلیش، ئیجا عوتارد و زوهرە و موشتەری، و لە رووژ 20 شوبات، عوتارد و خۆر و موشتەری، وتیش: عوتارد و خۆر و زوهرە و موشتەری کەفنە یان یەک کڕ.

هەمیش هوشداری لەو رزارەوبوینە کرد کە وت لەگشتی گرنگترە، کە کەفێدە ناوەین عوتارد و زەوی و مەریخ لە رووژ 24 شوبات، کە پەیوەندی وە زەویلەرزەیل گەورە دیرێد لە چین 7.8 پلە وە ئاسانی.

وتیش: چوینکە عوتارد و زەوی و مەریخ کەفنە یەک رز، ئەندازیاری مانگ گرنگیگ هەس، ئی ئەندازیاری 90 پلە، کە لە  21 شوبات بوود، مەزەنەی گورجی زەویلەرزەی زیاتر کرد، وەتایبەتی دویای یەکڕزی ناوەین مانگ و زەوی و موشتەری لە وەخت زوویگ رووژ 25.

هەمیش وت: لە 2-3 رووژ لەی یەکڕزییە وەرد موشتەری، لە رووژ 27 تەواو بوود، کە هاتێ زەویلەرزە دروس بکەێد.

وتیش: شایەت ئەو چوارچیوەی سەردەمیا وەختیگ گونجیاگ بوود ئەرا زەویلەرزەی گەورەیگ لە چین 8 پلە.

لەباوەت ئەو شوینەیلە کە مەزەنە کریەێد ئی زەویلەرزەیل گەورە وەخوەیان بوینن، هۆگربیتس باس خوەرهەڵات ئەفریقا کرد، کە وتیش؛ ئیرنگە گورجی زەویلەرزە لە ئەسیوپیا هەس.

دیاری کرد کە بەش خوەرهەڵات لە تورکیا، زەنگ باکوور ئەنادۆڵ، هاتی لەورا زەویلەرزە بوود، کە بایەسە لە هەفتەی ئایندە لە خوەرهەڵات ناوڕاس بکەفنە ئامادەباشی.

باس ئیرانیش کرد کە هاتی بکەفێدە وەر زەویلەرزەیگ وەتونی 6 یا 7 پلە، هاتێ فرە نەوود، وەلێ ئەگەر لە ئیران بوید بایەسە لە ئامادەباشی بوید.