سه‌رۆك بارزانی په‌يامێگ بڵاوه‌و كرد
سايت سه‌رۆكایه‌تی هه‌رێم، په‌یامێگ (مه‌سعود بارزانی) سه‌رۆك هه‌رێم بڵاوه‌وكرد، ك له‌تێ ئه‌وه خرياسه‌‌ڕوی، سه‌رۆك هه‌رێم داوا له‌گشت لایگ ئه‌كا، وه‌سينه‌ی فراوانی و هسكردن وه‌وه‌رپرسیاریه‌تییه‌وه مامه‌ڵه بكه‌ن، ئه‌گه‌ر هه‌ر شكات و تێبینییگيش داشتوون، وه‌گوره‌ی ڕێكاره‌يل یاسایی كۆمسیۆن هه‌ڵسوكه‌فت بكه‌ن، سه‌رۆك هه‌رێم داوايش له‌ئه‌ندام‌و لایه‌نگره‌یل گشت حزب‌و لایه‌نه‌يل سیاسی كرد، ڕێز له‌لایه‌نه‌یل تر بگرن و ئستفزاز یه‌كتری نه‌كه‌ن.
له‌په‌يامه‌گه‌‌ی سه‌رۆك هه‌رێم ئه‌وه‌يش هاتگه، ((جارێگ تر داوا له‌گشت هێز‌و لایه‌نه‌يل سیاسی و هاوڵاتیه‌یل قه‌دردار كه‌م، ئارامی و ته‌بایی كوردستان بپارێزن و ئه‌ڕا مقه‌يه‌تی كردن له گیان هاوڵاتیه‌يل و ئاسوده‌یی مه‌ردم و ناوبانگ وڵاته‌گه‌مان، وه‌هویچ شێوه‌یگ په‌نا ئه‌ڕا ته‌قه‌ی خوه‌شی نه‌وه‌ن، چوينكه ئه‌وه دیارده‌یگ فره ناشرینه‌‌و بايه‌د بنبڕ بكريه‌ێد، داوايش له‌هێزه‌یل پۆلیس‌و ئاسایش كه‌م، ڕێكار یاسایی تون وه‌رانوه‌ر وه ئه‌و كه‌سه‌يله بگرنه‌وه‌ر، ك سه‌رپێچی له‌یاسا‌و ڕێنماییه‌يل كه‌ن)).
ا. ج
