سه‌رچه‌وه‌يل چه‌وديری: پارتی يه‌كه‌مه وه ٤٢ كورسی ودويه‌م گۆڕان وسێيه‌ميش يه‌كێتی
ك دويه‌كه شه‌ممه ئه‌نجام گرت و له‌شوون ئه‌ويش جمشت گۆڕان ك زوورم ده‌نگه‌يل پاريزگای سلێمانی هاورده ده‌س و ئيجا يه‌كێتی نيشتمانی كوردستان ك شايه‌ت پله‌ی سێيه‌م وه‌ده‌س باريد.
وه‌گووره‌ی ئه‌و سه‌رچه‌وه‌يله ك(شه‌فه‌ق نيوز)ئی زانياريه‌يله له‌ليان وه‌رگرت، دياره پارت ديموكرات كوردستان وه‌گووره‌ی ئاكامه‌يل سه‌ره‌تايی نزيكه‌ی ٤٢ كورسی دابين ئه‌كا جوور پله‌ی يه‌كه‌م و جمشت گۆڕانيش پيشكه‌فتنيگ وه‌خوه‌يه‌و ديه‌و ده‌نگه‌يليگ فيشتر وه‌ده‌س ئه‌يه‌ريد له سلێمانی و شايه‌ت نزيكه‌ی ٣٠ كورسی وه‌ده‌س باريد، وه‌لی وه‌گوره‌ی سه‌رچه‌وه‌يل له‌يوا دياره يه‌كێتی نيشتمانی كوردستان زه‌ردمه‌ن گه‌ورا بوود له‌ی ركابه‌ری سياسيه‌و شايه‌ت ٢٠ كورسی وه‌ده‌س نه‌يه‌ريد له كورسيه‌يل په‌رله‌مان كوردستان له گشت پاريزگايه‌يل و به‌شی هه‌ر ته‌نيا ١٧ كورسی بوود.
هه‌مان سه‌رچه‌وه‌يل ئاماژه وه‌يه‌يش كردن ك حزبه‌يل ئسلامييش ك پيكهاتگه له هه‌ردوگ حزب سه‌ره‌كی يه‌كێتی ئسلامی و جه‌ماعه‌ت ئسلامی مقه‌يه‌تی له پله‌ی وه‌رين خوه‌يان بكه‌ن وه‌ل جمشت ئسلامی و نزيكه‌ی ١٥ كورسی بارنه ده‌س له په‌رله‌مان كوردستان.
ج . أ
