سه‌رچه‌وه‌يل: مالكی وه‌گووره‌ی ريككه‌فتنيگ ئيرانی په‌ياميگ له ئه‌سه‌ده‌و ره‌سنيده ئۆباما له‌وه‌ر په‌لامارداين داعش
له‌وه‌ر نيشانداين ره‌زامه‌نی له‌بان ده‌خاڵه‌ت سه‌ربازی ئه‌مريكا ئه‌را بوردمانكردن بنگه‌يل ريكخرياگ ده‌وڵه‌ت ئسلامی له‌عراق وشام"داعش".
ئه‌و رووژنامه له راپۆرتيگی ك(شه‌فه‌ق نيوز)ئاگاداری بوی، وت: سه‌رچه‌وه‌يل ئاگادار عراقی ئاشكرای ئه‌وه كردنه ئه‌را رووژنامه‌گه ك نوری مالكی له‌ی سه‌ردانيه ك په‌نج رووژ كيشيد وه ياوه‌ری شانديگ ك پيكهاتگه له هۆشيار زێباری وه‌زير خارجيه‌و سه‌عدون دلێنی وه‌زير وه‌رگری وه وكاله‌ت و شماره‌يگ له ئه‌ندامه‌يل ئه‌نجوومه‌ن نوێنه‌ره‌يل و راويژكاره‌يل، په‌يام قسه‌يل به‌شار ئه‌سد ره‌سنيده باراك ئۆباما سه‌رۆك ئه‌مريكی له واشنتۆن وه‌خاتر ده‌خاڵه‌تكردن په‌لامار سه‌ربازی دژ"داعش"و بورمانكردن بنگه‌يليان.
رووژنامه‌گه يه‌يش ده‌رخست ك سه‌رچه‌وه‌يل يه‌يش ده‌رخستنه ك له‌يه‌كڕه‌سينه‌وه‌ی ناونی مالكی له‌لايگ و له‌ناونی هه‌ردوگ سه‌ركردايه‌تی ئيرانی و سوری له‌لايگ تره‌و ك له‌ی دوياخره ئه‌نجام گرت دقه‌ت له‌بان چوينيه‌تی هاوكاری ئداره‌ی ئه‌مريكا كرد له سوريا ك ئامانج گرته خوه‌ی ك ئه‌ويش هاوردنه‌وه‌ی شه‌رعيه‌ته ئه‌را رژيم ئه‌سدو ئامانج دويه‌ميش ده‌س وه‌پيكردن په‌لاماريگ سه‌ربازی وه‌رفراوانه وه پشتگيری ئه‌مريكا له‌ناو خاكه‌يل سوری وه‌خاتر ويرانكردن بنگه‌ی گرووپه‌يل چه‌كدار سه‌ر وه ريكخرياگ قاعيده.
ج . أ
