سه‌ركرده‌يگ پايه‌به‌رز له ده‌وڵه‌ت عراق ئسلامی له ئه‌نبار ده‌سگير كريا
له مه‌رزه‌يل هاوبه‌ش ناونی عراق و سوريا له خوه‌رهه‌ڵات پاريزگاگه.
ئه‌و سه‌رچه‌وه ك نه‌تواس ناوی ئاشكرا بوود، ئه‌را(شه‌فه‌ق نيوز)وت: ده‌مه‌و شه‌وه‌كی ئمڕوو هيزيگ هاوبه‌ش له سوپاو پۆليس ده‌س كردنه وشكانن و گه‌ردين له‌ناوچه‌ی دووڵ حه‌وران له خوه‌رئاوای ئه‌نبار و تويه‌نستن كابرايگ وه‌ناو سه‌لام حه‌ديد ك سه‌ركرده‌يگ پابه‌رزه له ده‌وڵه‌ت عراق ئسلامی ده‌سگير بكه‌ن وه‌ل سييان له ده‌سميه‌تده‌ره‌يلی.
سه‌رچه‌وه‌گه يه‌يش ده‌رخست ئه‌و كرده‌وه‌ی گه‌ردينه وه‌گووره‌ی زانياری پڕ دقه‌ت هه‌واڵگری ئه‌نجام گرت و هيزه‌يل ئاسايش ئه‌و گيرياگه‌يله يه‌كسه‌ر هه‌واڵه‌ی بنگه‌ی ئاسايش كردنه ئه‌را له‌وه‌رگرتن ڕی و شوون و پرس وپرسكاری ده‌رهه‌قيان تا هه‌واڵه‌ی دادگايه‌يل تايبه‌ت بكريه‌ن.
جی باسه، دووڵ حه‌وران دريژترين دووڵه‌يل عراقی ك له سعوديه‌و ده‌س وه‌پی ئه‌كا تا ره‌سيده ئاو فورات له نزيك شار حه‌ديسه له پاريزگای ئه‌نبار.
ج . أ
