سه‌ركرده‌يگ له ده‌وڵه‌ت ياسا ئاشكرای له‌يه‌كڕه‌سينه‌وه‌ی حكوومه‌ت وسه‌ركرده‌يل ناوچه‌يی ئه‌نبار كرد
ئه‌را ماوه‌ی فيشتر له ساڵيگه‌و هووكار يه‌يش وه له‌يكڕه‌سينه‌وه‌ی حكوومه‌ت تاريف كرد وه‌ل هووزه‌يل ئه‌نبار و سه‌ركرده‌يل ناوچه‌يی.
عزه‌ت شابه‌نده‌ر له ديمانه‌يگ وه‌ل رووژنامه‌ی شه‌رقولئه‌وسه‌ت له‌نده‌نی ك(شه‌فه‌ق نيوز)ئاگاداری بوی، وت: له‌يه‌كڕه‌سينه‌وه‌ی حكوومه‌ت وه‌ل هووزه‌يل ئه‌نبار و سه‌ركرده‌يل ناوچه‌يی گامه‌يل فريه‌يگ ناگه‌و يه‌يش مانای ئه‌وه‌سه ك ده‌نگ خوتبه‌ده‌ره‌يل جومعه جوور ئه‌وسا نه‌مه‌ندگه.
شابه‌نده‌ر هه‌ميش وت: ده‌نگ خوتبه‌ده‌ره‌يل جومعه جوور په‌نج مانگ يه‌كه‌م ده‌سوه‌پيكردن خوه‌ينيشانداينه‌يل پاريزگايه‌يل خوه‌رئاوای عراق نيه‌و له‌وانه‌يش: سه‌عيد لافی ك وه‌يه‌كجاری ده‌نگی نه‌مه‌ند له‌شوون ده‌ركردن بريار ده‌سگيركردنی وه‌ل دووان تر ك يه‌كيگ له‌ليان له ئاموزايه‌يل شێخ ئه‌حمه‌د ئه‌بو ريشه‌ش تومه‌ت كوشتن په‌نج سه‌ربازه‌گه‌ی نزيك مه‌يدان خوه‌ينيشانداين رومادی له‌بانی چه‌سپيا له ٢٧ نيسان گوزه‌يشت و يه‌يش ده‌رخست ك مالكی وه ته‌واوی پشتگيری ئه‌حمه‌د دلێمی پاريزگار ئه‌نباركردگه‌و داوا له‌لی كردگه واز له مه‌سه‌له‌ی سياسه‌ت باريدو خزمه‌تگوزاری پيشكه‌ش بكاده پاريزگاگه.
ج . أ
