سه‌در په‌ياميگ ئاراسته‌ى بنياتنان و كانديد هاوپه‌يمانيه‌گه‌ كرد ئه‌را سه‌رۆكايه‌تى وه‌زيره‌يل

سه‌در په‌ياميگ ئاراسته‌ى بنياتنان و كانديد هاوپه‌يمانيه‌گه‌ كرد ئه‌را سه‌رۆكايه‌تى وه‌زيره‌يل
2019-12-21T20:40:47+00:00

شه‌فه‌ق نيوز/ موقته‌دا سه‌در سه‌ركرده‌ى ره‌وت سه‌درى قسه‌يليگ ده‌رخست له‌باره‌ى ره‌تكردنه‌وه‌ى وه‌زير خوه‌نين باڵاو توێژينه‌وه‌ى زانستى له‌ حكومه‌ت كاروه‌ريكه‌ر ئه‌را وه‌رگرتن پۆست سه‌رۆكايه‌تى ئه‌نجومه‌ن وه‌زيره‌يل له‌ شوون عادل عه‌بدولمه‌هدى سه‌رۆك ده‌س له‌كاركيشياێ و داوايش له‌ هاوپه‌يمانى بنياتنان كرد مقه‌يه‌تى له‌ خوينڕشيان بكا.

 

سه‌در له‌ ماڵپه‌ڕ كۆمه‌ڵايه‌تى تويته‌ر وت: ئه‌ى برايه‌يل له‌ فراكسيۆن بنياتنان، براى ريزدار قوسه‌ى سوهێل مقه‌يه‌ت له‌ خوينڕشيان عراقيه‌يل بوون و حورمه‌ت فه‌رمانه‌يل مه‌رجه‌عيه‌ بگرن و حورمه‌ت له‌ ئيراده‌ى ملله‌ت بگرن و كرامه‌تدان بپاريزن و يه‌يش خه‌وه‌ريگه‌ ئه‌را ئيمه‌و ئيوه‌و گشت عراقيه‌يل.

 

جى باسه‌، زويتر هاوپه‌يمانى بنياتنان ئاشكراى پيشكه‌شكردن كانديده‌گه‌ى كرد ئه‌را وه‌رگرتن پۆست سه‌رۆك تازه‌ى ئه‌نجومه‌ن وه‌زيره‌يل وه‌ به‌رهه‌م ساڵح سه‌رۆك كۆمار عراق له‌شوون عادل عه‌بدولمه‌هدى سه‌رۆك ده‌س له‌كاركيشياێ.

Shafaq Live
Shafaq Live