سه‌در: نه‌يچێروان بارزانی ره‌فيقمه‌و كوردستانيش خوازيار بوی خاسسازی له كاره‌بای نه‌جه‌ف بكاو حكوومه‌ت به‌غدا ره‌تيه‌و كرد
و ئاماژه وه يه‌يش كرد ك هه‌ولێر خوازيار دامه‌زرانن پرووژه‌يگ بويه ئه‌را به‌رهه‌مهاوردن وزه‌ی كاره‌با له شار نه‌جه‌ف، وه‌لی حكوومه‌ت به‌غدا ره‌تيه‌و كردگه تا جوور ده‌سكه‌فتيگ ئه‌را ئه‌را كورد تاريف نه‌كريه‌يد.
سه‌در له لێدوانه‌يلی ئه‌را رووژنامه‌ی شه‌رقولئه‌وسه‌ت ك(شه‌فه‌ق نيوز)ئاگاداری بوی، وت: بارزانی هه‌وڵ ئاشتی و ئاوه‌دانی و بنياتناين ئه‌كا وه‌گشت توانايگه‌و له هه‌ولێر پيشكه‌فتن وه‌رده‌وامه‌و په‌يوه‌نديه‌يل خاسيگيش هه‌س له‌ناونی ملله‌ت و حكوومه‌ت، ك وه‌ل ئه‌وه‌يشا هه‌وڵ كاره‌يل فيشتريش ده‌ن له‌وه‌ختيگ ك باقی ناوچه‌يل تر عراق ئی پيشكه‌فتنه نه‌يريد.
سه‌ركرده‌ی ره‌وت سه‌دری له جواو پرسياريگ له‌باوه‌ت ئه‌زموون كوردستان و مه‌شق ديموكراسی له‌ورا، وت: ئه‌وان هه‌وه‌جه‌ی كه‌ميگ وه وازبوين ديرن، چوينكه گشت كاريگ وه يه‌كجار ناكريه‌يدو هه‌ميش وت: سه‌رۆك حكوومه‌ت هه‌رێم ره‌فيقمه‌و په‌يوه‌ندی وه‌رده‌وام وه يه‌كه‌و ديريم.
ج . أ
