سه‌حوه‌يل: له‌وه‌ر ئی هووكاره چه‌كداره‌يل له شكانن زندان ئه‌بوغورێب سه‌ركه‌فتن
وسام ئه‌لحه‌ردان سه‌رۆك ئه‌نجوومه‌ن سه‌حوه‌ی روڵه‌يل عراق ئه‌را (شه‌فه‌ق نيوز) وت: هێزه‌يل سه‌حوه له ناوچه‌ی ئه‌بوغورێب كارا نه‌كريانه‌و ئيمه‌يش فيشتر له جاريگ ئاگاداری دايم و ناوه‌يليش كلكرديم ئه‌را لايه‌نه‌يل په‌يوه‌نديدار وه‌خاتر كاراكردنيان و رویوه‌ڕوی بوينه‌وه‌ی رێكخرياگ قاعيده، وه‌لی جی داخه ئه‌و ئاگاداريه له‌وه‌رچه‌و نه‌گيرياو گرنگی نه‌دريا سه‌حوه له ناوچه‌گه ك هه‌رچه‌نی له‌ساڵه‌يل ٢٠٠٧و٢٠٠٨ تويه‌نست رویوه‌ڕوی قاعيده بوودو سه‌قامگيری ئه‌را ناوچه‌گه بارێده‌و.
ئه‌لحه‌ردان هه‌ميش وت: هێزه‌يل سوپا توانای كۆنترۆڵكردن ئاسايش ناوچه‌يل عه‌شاير نه‌يرن و مه‌ردم هووزه‌يل ناوچه‌گه ناسن و زانن چوين ره‌فتار كه‌ن.
جی باسه، دويه‌كه دوشه‌ممه حاكم زاملی ئه‌ندام ليژنه‌ی وه‌رگری نوێنه‌رايه‌تی و ئاسايش له‌بان فراكسيۆن ئه‌حرار، وه‌لای كه‌مه‌و ئاشكرای هه‌يواين ناونی ٥٠٠ تا ١٠٠٠ زندانی كرد له زندان ئه‌بوغورێب.
ج . أ
