سه‌حوه‌ى دياله‌ له‌وه‌ر روی وه‌ڕوی بوينه‌وه‌ی"داعش"پشتگيری چه‌كداركردن ولۆجيستی وه‌رگريد

له‌وه‌ر روی وه‌ڕوی بوينه‌وه‌ی گرووپه‌يل چه‌كدار و له‌وانه‌يش ريكخرياگ"ده‌وڵه‌ت ئسلامی له‌عراق وشام" ك ناسرياگه‌ وه‌ "داعش".

سامی خه‌زره‌جی وه‌رپرس سه‌حوه‌يل له‌باسيگ ئه‌را(شه‌فه‌ق نيوز)وت: سه‌حوه‌يل دانيشتنيگ ئاسايشی وه‌رفراوان له‌ ناو يه‌كيگ له‌ فه‌وجه‌يل سوپای عراقی ساز كردنه‌و وه‌ فه‌رمی ئاگاداريان كرياگه‌ ك پشتگيری كريه‌ن له‌ڕوی چه‌ك و لۆجيستی وه‌خاتر روی وه‌ڕوی بوينه‌وه‌ی هه‌ڕه‌شه‌يل ريكخرياگه‌يل چه‌كدار و ده‌سميه‌تداين هيزه‌يل ئاسايش له‌ ئه‌ركه‌يليان.

خه‌زره‌جی هه‌ميش وت: سه‌ركردايه‌تی هيزه‌يل وشكانی قه‌وڵ چاره‌سه‌ر گشت ئه‌و گرفته‌يله‌ داگه‌ ك ئه‌ياده‌ تويش سه‌حوه‌يل و قه‌وڵ يه‌يش داگه‌ ك چه‌ك و ته‌قه‌مه‌نييش وه‌پيان بيه‌يد ئه‌را روی وه‌ڕوی بوينه‌وه‌ی ريكخرياگه‌يل ترۆريستی له‌گشت ناوچه‌يل دياله‌.

ج . أ