سلێمانی چه‌وه‌ڕی بڕيار به‌غداس تا بووده بنگه‌يگ گه‌ورای بازرگانی
و ئاماژه وه‌يه‌يش كرد ك له‌ی باوه‌ته‌و چه‌وه‌ڕی به‌غدا كريه‌يد ئه‌را ئه‌وه‌ك گشت خاڵه‌يل مه‌رزی وه‌ل ئيران بكاده ده‌روازه‌يل فه‌رمی.
ساڵح له ديداری وه‌ل مه‌حبوبی نه‌ژاد باڵويز ئيرانی و شانده ياوه‌ره‌گه‌ی ك(شه‌فه‌ق نيوز)ئاگاداری بوی، جه‌خت له ريه‌يل بته‌وكردن په‌يوه‌نديه‌يل بازرگانی و ئابووری كرد له‌ناونی هه‌ردوگلاو هه‌ر وه‌ی خاتريش مه‌يل خوه‌ی نيشاندا ئه‌را ئه‌وه‌ك سلێمانی بووده يه‌كيگ له بنگه‌يل گه‌ورای بازرگانی له ناوچه‌گه.
پاريزگار سلێمانی يه‌يش ده‌رخست ك حكوومه‌ت هه‌رێم كوردستان گشت ئه‌و كاره‌يله ك په‌يوه‌سه وه‌ی باوه‌ته‌و ته‌واو كردگه‌و چه‌وه‌ڕی ئه‌وه‌سه له‌لايه‌ن حكوومه‌ت ناوه‌ندی به‌غدا په‌سه‌ن بكريه‌يد.
جی باسه، سلێمانی دو ده‌روازه‌ی مه‌رزی وه‌ل ئيران ديريد بيجگه چه‌ن ده‌روازه‌يگ تر ك كاره‌يل ئاڵشت وئوڵشت بازرگانی له‌تيان ئه‌نجام دريه‌يد، وه‌لی له‌لايه‌ن حكوومه‌ت به‌غداوه دگان وه‌پيان نه‌نرياگه جوور ده‌روازه‌يل فه‌رمی.
ج . أ
