سلێمانی رازی بوی له‌بان وه‌خاك سپاردن ته‌رم بێكه‌س له پارك ئازادی
له مه‌يدان ئازادی" پارك ئازادی " له ناوڕاس شاره‌گه.
يوسف ياسين وه‌ريه‌وبه‌ر شاره‌وانی سلێمانی ئه‌را(شه‌فه‌ق نيوز)وت: ئه‌نجوومه‌ن شاره‌وانی سلێمانی له دانيشتن دويه‌كه‌ی، رازی بويه له‌بان جيوه‌جيكردن وه‌سيه‌ت شاعرگه‌ورا شێركۆ بێكه‌س ك ته‌رمه‌گه‌ی له پارك ئازادی وه‌خاك بسپاريه‌يد.
ياسين هه‌ميش وت: ته‌رم بێكه‌س وه‌شيوه‌يگ وه‌ختی له‌ی پاركه وه‌خاك سپاريه‌يد تا وه‌ختيگ ته‌واوبوين بنايه‌ی شار رووشنهويری ك پاريزگار نياز ئه‌وه ديريد له‌ی ساڵه دايمه‌زرنيدو شوونيگ له‌تی تايبه‌ت بكريه‌يد وه‌ناو"نه‌مره‌يل" ك كه‌سايه‌تيه‌يل رووشنهويری و ئه‌ديب و شاعره‌يل روڵه‌ی پاريزگاگه له‌تی وه‌خاك پسپاريه‌يد.
جی باسه، شێركۆ بێكه‌س شاعر ك له‌ساڵ ١٩٤٠ له‌شار سلێمانی هاته‌سه دونيا، رووژ يه‌كشه‌ممه‌ی گوزه‌يشت له ئاكام نه‌خوه‌شی ماڵئاوايی يه‌كجاری له دونيا كرد له‌ناو يه‌كيگ له نه‌خوه‌شخانه‌يل وڵات سويد.
ج . أ
