سلێمانی ئاماده‌ی خوه‌ی ئه‌كا ئه‌را جيوه‌جيكردن ٣٠ پرووژه له ٢٠١٤
، وه‌و جووره‌گ بگونجيه‌يد وه‌ل تاريخه رووشنهويری و سياسيه‌گه‌ی.
يوسف ياسين وه‌ڕيه‌وبه‌ر شاره‌وانی سلێمانی له باسيگ ئه‌را(شه‌فه‌ق نيوز)وت: ئی پرووژه‌يله دروسكردن جاده‌يل سه‌ره‌كی ئه‌گريده خوه‌ی وه‌خاتر كه‌مه‌وكردن قه‌ره‌باڵغی هاتوچووكردن وبيجگه ئه‌وه‌يش پرووژه‌يلگيش جوور بنياتناين شوونه‌يليگ پيشه‌سازی له ده‌يشت شاره‌گه‌و دروسكردن ترميناڵ گه‌ورای سه‌ياره‌يل و تازه‌كردنه‌وه‌ی نه‌خشه‌يل سه‌ره‌كی شاره‌گه له‌وه‌ر جوانكردن و فراوانكردن له‌تی جيوه‌جی كريه‌يد.
ياسين هه‌ميش وت: شاره‌وانی سلێمانی له ناونی پرووژه‌يل ساڵ ٢٠١٤ گرينگداين وه مه‌سه‌له‌ی ژينگه‌يش خسته‌سه چوارچيوه‌ی ئه‌و پرووژه‌يله له‌ڕی كاڵين شه‌تڵه دار له‌ده‌يشت و له‌ناو شاره‌گه وه‌ل پڕداركردن كويه‌يل ده‌ورگرد شاره‌گه له‌وه‌ر جوانی فيشتر و ده‌سميه‌تداين له پاكی ژينگه.
جی باسه، ياسين پيشبينی يه‌يش كرد ك ساڵ ٢٠١٤ بووده ساڵ جيوه‌جيكردن پرووژه‌ی سلێمانی جوور پايته‌خت رووشنهويری، ك ئه‌ويش وه دامه‌زرانن شماره‌يگ هۆڵ رووشنهويری.
ج . أ
