رووژنامه‌نويسه‌يل كورد به‌غدا خوازيار هه‌قه‌يليانن جوور هاوپيشه‌يليان له‌ كوردستان

ئی داواكاريه‌ له‌باسيگ له‌لايه‌ن جواد كازم سكرتێر لق به‌غدای سه‌نديكای رووژنامه‌نويسه‌يل كوردستان ئه‌را (شه‌فه‌ق نيوز) هات، ك له‌تی ئاماژه‌ وه‌ لێدوانه‌گه‌ی ئازاد حه‌مه‌ده‌مين نه‌قيب سه‌نديكای رووژنامه‌نويسه‌يل كوردستان كرد له‌و كۆنگره‌ی رووژنامه‌گه‌ريه‌ ك دويه‌كه‌ له‌ هه‌ولێر ساز كريا له‌باوه‌ت دروسكردن ئاواييگ سه‌رده‌ميانه‌ ئه‌را رووژنامه‌نويسه‌يل له‌ پارێزگايه‌يل هه‌رێم كوردستان و داوا له‌لی كرد ئه‌ندامه‌يل لق به‌غدايش بخريه‌نه‌ وه‌ر ئه‌و هه‌قه‌يله‌ ك ئاماژه‌ وه‌پی كريا.

كازم باس له‌وه‌يش كرد ك له‌ی ساڵه‌يل دوياخره‌ سه‌نديكاگه‌ سه‌ده‌ها پارچه‌ زه‌وی له‌بان ئه‌ندامه‌يلی دابه‌ش كردگه‌ له‌ پارێزگايه‌يل هه‌رێم كوردستان، وه‌لی رووژنامه‌نويسه‌يل كورد به‌غدا بێبه‌ش‌ كردگه‌ له‌و هه‌قه‌يله‌ وه‌بی هويچ مه‌هانه‌و هووكاريگ باوه‌ڕ وه‌پيكرياگ.

ج . أ