رووژانه 250 بارهه‌ڵگر ئاڵشت وئوڵشت بازرگانى له ناونى عراق و ئوردن ئه‌كريه‌ێد
2019-06-26T20:11:05+00:00
شه‌فه‌ق نيوز/ ئه‌نمار خه‌ساونه وه‌زير گواستنه‌وه‌ى ئوردنى، ئه‌وه درخست ئوردن و عراق رووژانه 250 بارهه‌ڵگر ئاڵشت وئوڵشت بازرگانى ئه‌كه‌ن.
خه‌ساونه وت: ئى شماره نيشانه‌يگه له‌بان په‌ره‌سه‌ندن جموجويل بازرگانى له‌ناونى هه‌ردوگ وڵات له‌وه‌ختيگ ك زويتر ئاڵشت وئوڵشت بازركانى له‌ناونى هه‌ردگلا زياتر له 10 سه‌ياره‌ى بارهه‌ڵگر كاڵا نه‌ويه.
جى باسه، وه‌زير ئوردنى پيشبينى يه‌يش كرد جموجويل جيوازكردن و ئاڵشت وئوڵشت بازرگانى له‌ناونى ئوردن و عراق په‌ره‌سه‌ندن زياتريگ وه‌خوه‌يه‌و بوينێد له‌ماوه‌ى مانگه‌يل تر ئاينده و باس له‌وه‌يش كرد عراق رێ وه هاوردن كاڵا داگه له به‌نده‌ر عه‌قه‌به‌ى ئوردنيه‌و ئه‌را عراق ك يه‌يش له‌شماره‌ى شاحنه‌يل ئوردنى ئه‌را ناو عراق زياێ ئه‌كا.
