رافده‌ين سلفه‌ى كارمه‌نده‌يل ده‌وڵه‌ت زياێ كرد ئه‌را 25 مليۆن وه‌ مه‌رجيگ

رافده‌ين سلفه‌ى كارمه‌نده‌يل ده‌وڵه‌ت زياێ كرد ئه‌را 25 مليۆن وه‌ مه‌رجيگ
2019-07-24T20:56:31+00:00

شه‌فه‌ق نيوز/ بانك رافده‌ين بڕيار دا سلفه‌ى كارمه‌نده‌يل له‌ ده‌زگايه‌يل ده‌وڵه‌ت زياى بكا ئه‌را 25 مليۆن دينار له‌وانه‌گ مووچه‌يليان له‌لاى جيگيره‌.

 

له‌و باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ وت: بڕ وه‌پيداين سلفه‌ وه‌ كارمه‌نده‌يل ده‌وڵه‌ت زياێ كرياگه‌ ئه‌را 25 مليۆن دينار له‌وانه‌گ مووچه‌يليگ جيگيره‌ له‌لاى بانكه‌گه‌و وه‌تايبه‌ت ئه‌وانه‌گ ماسته‌ر كارد ناوده‌وڵه‌تى ديرن.

 

جى باسه‌، داوايش له‌ كارمه‌نده‌يل كرد سه‌ردان لقه‌يلى بكه‌ن له‌ به‌غدا و پاريزگايه‌يل له‌وه‌ر پيشكه‌شكردن مامڵه‌يليان ئه‌را وه‌رگرتن سلفه‌.

Shafaq Live
Shafaq Live