ئەرا کوشتن خەسویرەی.. ژنیگ بەڕازیلی ژەهرخوەر خیزانیگ کەێد و ٣ کەسیان کوشێد
شەفەق نیوز/ پولیس بەرازیل خەوەردا کە ژنیگ وەناو دایسی مۆرا دەسگیر کردگە، وە توومەت خستن ژەهر وەناو کێک ئاهەنگ لەداڵگبوین وە مادەی زرنیخ، کە بویە هوکار کوشیان ٣ کەس لە بنەماڵەی شویەگەی و بیمارکەفتن چەن کەسیگ ترەک.
وەگورەی پولیس و وەچەودیەیل؛ بنەماڵەگە لەناو ئاهەنگیگ، کێک خواردنە کە زیلی دۆس ئەنجوس داڵگ شوی توومەتبارەگە دروسی کردگە.
دویای خواردن کێک، دوو خوەشک زیلی، مایدا سلیڤا و نۆزا دۆس ئەنجوس وەگەرد دویەت نۆزا وەناو تاتیانا دۆس سانتۆس مردن، و کوڕ تاتیانا وەناو ماتیۆس مارکێز لە تەمەن ١٠ ساڵان بیمار کەفت وەلێ لە مەرگ رزگار بوی، و لێکۆڵینەوە ئاشکرا کرد کە ئارد کێکەگە بڕ فرەیگ لە مادەی زرنیخ لەناوی بویە.
سەرۆک پولیس وت: ژنە توومەتبارەگە چگەسە ناو ماڵ زیلی و ژەهر خستیەسە ناو ئاردەگە، و لە تاقیکردن و وەشکین زرنیخ لەناو خوین قوربانیەیل بوی.
خانمە وەڕیەوبەر لێکۆڵینەوەی گشتی وت: بڕ زرنیخ لە لاشەی یەکیگ لە قوربانیەیل ٣٥٠ گلە لە بڕ بکوش فرەتر بویە.
