ئەرا یەکەمجار... ئەنفلۆنزای باڵندە ئاژەڵ نوویگ کوشێد و نزیکە بوودە "پەتا"
شەفەق نیوز/ حکومەت بەریتانیا ئاشکراکرد، ئمڕوو دووشەممە، یەکەم کاوڕ کە تویش ئەنفلۆنزای باڵندە بویە لە باکوور ئینگلتەرا توومار کردگە، یەیش لیست ئەو شیردەرەیلە زیایکرد لە ئەگەر تویشبوین وەو بیماریە، و رخ "پەتایی" دیرێد.
تویشبوین ئەو پەسە یەکەم تویشهاتن ناسیاگە لەی جویرە لە جیهان، کە وەرجەیە فرە لە شیردەرەیل، لەوانە خرس، پشی، مانگای شیردەر، سەگ، دۆلفین و پەڵنگ، لە گشت جیهان لەوەر ڤایرۆس ئەنفلۆنزای باڵندەی H5N1 فەوتیانە.
حکومەن بەریتانیا لە بەیاننامەیگ وت: "ئەو تویشهاتنە دویای چەودیاریکردن ڕۆتینی ئاژەڵەیل لە کێڵگەیگ لە شار یۆرکشایر پەیا کریاس، کە باڵندەیل ترەک وڵاتەگە تویش ڤایرۆس H5N1 بوین".
بیماریەگە لە ناو ئایەم توومار کریاس کە تونییەگەی لە بی نیشانە تا مردن لە جارەیلیگ دەگمەنە، بەڵام هیمان رەسینی لە ئایەم ئەرا ئایەم پشتڕاس نەکریاس.
ئەو کاوڕ بیمارە لەناو دریا و هویچ تویشبوینیگ ترەک لەناو ئەو پەسەیل دەسنیشان نەکریا.
وەزارەت کاروبار ئاوایەیل بەریتانیا دەسکرد وە جیوەجیکردن سیستم چەودیاریکردن ئاژەڵ لەو شوینەیلە کە باڵندەی بیمار وە ئەنفلۆنزای باڵندە لەناویان بویە، دویای ئەوەگ لەناو مانگا شیردەرەیل لە ئەمریکا بڵاو بوی.
