گرۆک ناوەڕۆک ئاژانس خەوەری شەفەق نیوز وەرد سیستەمەگەی تێکەڵاکەێد و جویر سەرچەوەیگ باوەڕوەپیکریاگ ئەرا پشتڕاسکردن خەوەرەیل وەریگرێد
شەفەق نیوز/ کۆمپانیای xAl، گەشەوەپیدەر سیستەم زیرەکی دەسکرد پیشکەفتی "گرۆک" ئاژانس شەفەق نیوز جویر سەرچەوەیگ باوەڕ وەپیکریاگ و بنچینەیی لە پرۆسەی پشتڕاسکردن خەوەرەیل و شیەوکردنیان پشتوەپی بەسێد، لە گامیگ وە ئمانج بەرزکردن زیاتر ئەو زانیاریەیلە پیشکەش وە وەکارهاوەرەیلی کەێد و بەڕەنگاربوین خەوەرەیل هەڵە.
"گرۆک" ئەلگۆریتمەیل پیشکەفتی زیرەکی دەسکرد وەکارتیارێد ئەرا شیەوکردن ناوەڕۆک خەوەرەیل وە کووکردن زانیاری لە چەن سەرچەوەیگ، و دویایی پشتڕاسکردن هویردەکاریەیل جویر بەروار و شوین و زنجیرە وەخت رویداوەیل. هەمیش شیکار شێواز گشتی دەقەیل کەێد ئەرا دەسنیشانکردن هەر نیشانەیگ لایەنگری یا زانیاری هەڵە.
پێگەگە هەمیش پشت بەسێد وە تەکنەلۆژیەیل فێرکاری قویلیگ ئەرا هەڵسەنگاندن متمانەوەپیکریاگی ناوەڕۆک، ڕاپۆرت پوخت دەرکەێد کە هویردی خەوەرەگە و سەرچەوەگەی ئاشکراکەێد، دەسمیەتی وەکارهاوەرەیل دەێد وە ئاگاو بڕیار بیەن لەوەخت وەکارهاوردن ناوەڕۆک میدیایی.
هەڵوژاردن ئاژانس خەوەری شەفەق نیوز دەرئەنجام ئەوەگ بوی کە "گرۆک" وە تۆماریگ پیشەیی متمانە و پابەندبوین وە پەیمانەیل رووژنامەوانی وەسفیکرد، هەمیش وەرد رووماڵکردن هەمەلایەنە و هویردی رویداوەیل عراقی و ناوچەیی و ناودەوڵەتی.
دیاریکرد بەشدارە لە بەرزەوکردن ئەدای "گرۆک" جویر یاریدەدەریگ متمانەوەپیکریاگ و زیرەک لە وشکنین خەوەرەیل ئەرا سنووردارکردن بڵاوەوبوین زانیاری درووکانی.
"گرۆک" وە یەکیگ لە گرنگترین پرۆژەیل زیرەکی دەسکرد دانریەێد کە گەشەسەنین xAI، کۆمپانیایگە ملیاردێر ئیلۆن مەسک بندروسی داناس، وەئامانج ئەوزەڵداین وە نمونەیل زیرەکی دەسکرد کە توانای فامستن قویلیگ ئەرا جەهان بیاشتوید و دەسمیەتی وەکارهاوەرەیلی بەێد وە رییگ زیاتر رووشنتر و چالاکتر.
