رێکخریاگ نەتەوە یەکگرتگەیل: لە هەر 10 خولەکیگ ژنیگ کوشيەێد

شەفەق نیوز/ وەبوونەی نزیکەوبوین 8مارس رێکخریاگ نەتەوە یەکگرتگەیل راگەیان، لە ساڵ 2022وە رێژەی تونوتیژی سێکسی  50% بەرزەوبویە و لە هەر 10 خولەکیگ ژنیگ لە جەهان کوشیەێد.

 رێکخریاگەگە  لە راپۆرتیگ راگەیاندیە، لە هەر 10 خولەک جاریگ ژنیگ وەدەس شویەگەی یا ئەندامەیل خێزانەگەی کوشیەێد، لە ساڵ 2022 وە حاڵەتەیل تونوتیژی سێکسی وە رێژەی 50% بەرزەوبویە، تەنیا 87 وڵات لە جەهان وەلایەن ژنەیل سەرکردایەتیی کریەن.

لە راپۆرتەگە هاتیە،  دویای رەدبوین 30 ساڵ وەبان دانان پلان یەکسانی ناوەی هەردووگ رەگەز وەلایەن سەرکردەیل جەهانەو هێمانگ مافەیل  ژن و دویەتەیل هاژیر  هەڕەشە، جیاکاری رەگەز لە کۆمەڵگ جیاوازەیل چەسپاگە، یەک  لە چوار حکومەتەیل جەهان لە مافەیل ژنەیل پاشەکشەکردنە.