دويای وەخوارخستن (رافال) چەک چینی جیهان خەێدە فتراقی
شەفەق نیوز/ جەنگ ئاسمانی ناوەین فڕۆکەیل پاکستانی دروسکریای چین و هیندییەیل لە دروسکردن خوەرئاوا فتراق جیهانی ئەرا هوریدبینی سەربازی پەکین و توانایەیل فڕۆکەیل ئەرا خوەی هاورد.
ئاژانس ڕۆیتەرز لە زار وەرپرسەیل ئەمریکا وتن؛ فڕۆکەیگ جەنگی پاکستانی کە لەلایەن پەکینەو دروسکریاس، رووژ چوارشەممە، لەلای کەمەو دوو فڕۆکەی سەربازیی هیندستانی خستیەسە خوارەو و یەیش نشانەیگ گرنگە ئەرا ئەو فڕۆکە جەنگی پیشکەوتگ چینییە.
وەقسەی وەرپرسیگ ئەمریکی، دڵنیایی فرەیگ دیرێد کە پاکستان فڕۆکەیگ جویر J-10ی دروسکریای چینی وەکار هاوردگە ئەرا وەشیان مووشەک ئاسمان ئەرا ئاسمان دژوە فڕۆکەیل هیندستان.
وەرپرسیگ ترەک وت: لەلای کەمەو یەکیگ لەو فڕۆکەیل هیندستانە کە خریانە خوارەو، فڕۆکەیگ جویر رافال دروسکریای فەرەنسی بویە.
سەرچەوەیل دووپات کەن کە فڕۆکە جەنگییەیل پاکستان ئێف ١٦ کە لەلایەن کۆمپانیای لۆکهید مارتن ئەمریکییەو دروسکریانە، لە ئۆپەراسیۆن وەخوارخستن فڕۆکەگە وەکار هاوریاس.
رۆیتەرز رووژ چوارشەممە لە راپۆرتیگ راگەیان کە سێ فڕۆکەی هیندستان کەفتنەسە خوارەو و بە پشتبەستن بە بەرپرسانی حکومەتی خۆجێی لە نیودەلهی.
خواجە محمد ئاسیف وەزیر وەرگری پاکستان، رووژ پێنجشەممە ئەرا ئاژانس ڕۆیتەرز وت؛ فڕۆکەیگ جویر J-10 ئەرا وەخوارخستن سێ فڕۆکەی جەنگی ڕافال دروسکریای فەرەنسا وەکار هاوریاس، کە لەی دیواییە کەفتیەسە دەس هیندستان.
جەنگ ئاسمانی دەرفەتیگ دەگمەنە ئەرا سوپایەیل تا لێکۆڵینەوە لە کار فڕۆکەوانەیل و فڕۆکە جەنگییەیل و مووشەک ئاسمان ئەرا ئاسمان لە جەنگ راسگانی بکەن، و ئەو داتایەیلە وەکار بارن ئەرا ئامادەکاری جەنگەیل هاتگ.
شارەزایەیل راگەیانن کە "وەکارهاوردن راسگانی چەک پیشکەفتگ وەتایبەت فڕۆکەی جەنگی، لە گشت جیهان شیکاری کریەێد، لەناویان لە چین و ئەمریکا، کە خوەیان ئەرا ئەگەر جەنگ لەبان تایوان یا لە ناوچەی هیندستان - ئاسیا ئامادە کەن".
هەرلیوا، فتراق چوودە بان کارکردن مووشەک ئاسمانی BL-15 چینی لە وەرانوەر مووشەک میتیۆری ئەوروپی کە وە ڕادار رینمایی کریەێد.
بایرۆن کالان، پسپۆڕ وەرگری ئەمریکا و هاوبەش وەڕێوەبەر لە کۆمپانیای کاپیتال ئەلفا پارتنەرز، کە کۆمپانیایگ توێژینەوەی ستراتیژییە، وت: کۆمپانیایل چەک ئەمریکی وەردەوام کەفنە فتراق کارکردن بەرهەمەیلیان لە جەنگ ئۆکرانیا.
وتیش: مەزەنە کەم خود چشتەگە وەرد دابینکەرەیل ئەوروپی ئەرا هیندستانیش هەس و هاتێ پاکستان و چین خود نیگەرانی دیرن، ئەگەر مووشەک بی ئێڵ ١٥ جویر ریکلامکردن یا خاستر لەوەگ چەوەڕی کریاس کارەیلی ئەنجام بەێد، چینییەیل خوازن بزانن.
سەرچەوەیگ سەربازی لە وڵاتیک خوەرئاواییەو کە مووشەکە میتیۆر وەڕیەو بەێد، راگەیان کە وینەیگ وەشیوەی ئۆنلاین بڵاو کریاس لە سیستەم رینمایی، شایەت پێکهاتەیگ موشەک نشان بەێد کە ئامانجەگەی لەدەسداگە.
ڕاپۆرت ناکۆک هەس کە ئایا پاکستان خاوەن وەشان ڕەسەنی فڕۆکەی BL-15 بویە کە هیز ئاسمانی چین وەکاری تیەرێد، یا وەشان هەناردەکردن مەودای کوڵترە کە لە ساڵ ٢٠٢١ پەردە لەملی لاوریا.
هەرلیوا، سەرچەوەیگ خوەرئاوایی ئەو قسەیلە وە ناڕاس دانا کە وتنە گوایە مووشەک بی ئێڵ ١٥ کە ەڵ مووشەک سزەمەنی کار کەێد، مەودای دویرتریگ دیرێد کە وە سیستەم هەناسەدان وا کار کەێد، بەڵام چگە ژیر ئەوە کە توانایەیلی "هاتێ لەوە زیاتر بوون کە جاران هویری کریاس".
مەودا و کارایی فڕۆکەی BL-15 ساڵانیگە جی فتراق خوەرئاوا بویە و دەرکەفتنی لە جەنگ هیندستان و پاکستان جویر یەکیگ لە فرە نشانەیل تەماشا کریا کە چین لە پشتبەسین وە تەکنەلۆژیای وەرگیریای لە سۆڤیەت رەد بویە.
ئەمریکا لە ری لۆکهید مارتنەو مووشەک پیشکەفتگ AIM-260 پەرە وەپی دەێد، بەشیگیش جویر وەڵامیگ ئەرا فڕۆکەی BL-15 و کاراییەگەی لە مەودای دەیشت مەودای نووڕیای، یەیش جویر بەشیگ لە ئاڕاستەکردن گرنگیەیل لەلای خوەرئاوا وەرەو چین.
دۆگلاس باری، توێژەر باڵای فڕۆکەوانی سەربازی لە پەیمانگای ناودەوڵەتی بۆ لێکۆڵینەوە ستراتیژییەیل وت: "کۆمەڵگەی جەنگ ئاسمانی لە چین و ئەمریکا و شمارەیگ وڵات ئەوروپی فرە ئارەزو وەدەسهاوردن فرەترین زانیاری لەبان زەوی کەن لەباوەت تاکتیک و تەکنیک و ریکارەیل، چ ئامێریک وەکار هاوریاس، و چە کارکەێد و چە کار نەکردگە".
