"داعش" كوشتن ١٨ كه‌سه‌گه‌ی باكوور به‌غدا گرته خوه‌ی
ريكخرياگ ناوبرياگ له به‌ياننامه‌يگ ك ماڵپه‌ڕه‌يل نزيك له خوه‌ی بڵاويه‌و كردو ريك نه‌كه‌فت ئه‌را(شه‌فه‌ق نيوز)ته‌ئكيد له‌لی بكا، وت: له يه‌كيگ له ديواخانه‌يل سه‌رۆك هووزه‌يل دانيشتن گه‌ورايگ ساز كريا ك پيكهاتويد له شێخه‌يل ئه‌شاير ياخيبوی و له‌ناونيانيش ئه‌فه‌سه‌ره‌يل سوپا له‌وه‌ر خاتر دروسكردن فه‌وج سه‌حوه‌ی تازه‌يگ و هه‌ر وه‌و خاتريشه له‌بان ده‌سكه‌فتن زانياری هه‌واڵگری داعش تيميگ كلكريا ئه‌را ئه‌و ديواخانه وه جنگ سوات و گشت ئه‌و مه‌ردمه ده‌سگير كردن و دوياخريش كوشتنه‌يان.
جی باسه، هيزيگ له ئاسايش ته‌رم ئه‌و كوشياگه‌يله ديه‌و له ناوچه‌ی ئه‌لمشاهده سه‌ر وه قه‌زای تارميه له باكوور به‌غدا، ك يه‌يش هاوردنه‌وه‌ی رويداگه‌يل سه‌خت ساڵه‌يل ٢٠٠٦و٢٠٠٧ ئه‌و رووژگاره‌يل پڕ تون وتيژيه‌سه ك مه‌ردمان فريه‌يگ له‌تی بوينه قوربانی.
ج . أ
