دادگایگ بەریتانی توومەتبار داڵگیگ کەێد وە کوشتن دوو کوڕ خوەی
شەفەق نیوز/ دادگایگ لە بەریتانیا، تاوانبار ژنیگ کرد وە کوشتن دوو زاڕوو خوەی کرد لەناو ماڵیان لە ناوچەی داگنهام خوەرهوڵات لەندەن.
تەرم ئیلیجا تۆماس تەمەن دوو ساڵان و مارلی تۆماس تەمەن پەنج ساڵان پەیا کریا کە لە دیسەمبەر ساڵ 2022 باوگیان ئاگادار پولیس کرد وە پەیاکردن تەرم کوڕەیلی.
وەرپرسیگ لە دادگا وت: کارا ئەلیکلسندەر تەمەن 47 ساڵە، کە نەچگە ژیر توومەت کوشتن کوڕەیلی، دویەکە جمعە لەناو دادگای كينگستون كراون تاوانبار کریا.
کەسەی بانگەشەی گشتی دووپات کرد کە ئەنجام وەشکین و تەقینەوە ئاشکرا کرد کە دوو مناڵەگە وە تاسیان یا خنکیان مردنە.
کارا لە وەخت خوەی وتیە گوایە دوو مناڵەگە وەختیگ خوەی خەفتیە لەناو بانیۆی حەمام خنکیانە.
وەگورەی زانیارییەیل، بایەس بوی لە پشوو کۆتایی هەفتە مناڵەیل لەلای باوگیان بویاتان، و فرە تەقەلا داگە پەیوەندی وەرد کارا بکەێد وەلێ وەڵامەی نەیاس، ئەراوە فرە نیەگران بویە.
هەناێ باوگە رەسیە ماڵ کارا، وتیە دوو مناڵەگە لە قات بانین خەفتنە، و تەرمەیلیلن لەبان شەوخەف وە پڕتاڵ خەفتن پەیا کریا، وەگورەی تووڕ سکای نیوز بەریتانی.
