حكوومه‌ت كوردستان وشداری ئه‌وه دا ده‌سكه‌فته‌يل كورد نه‌كريه‌يده قوربانی
2013-11-10T11:49:35+00:00
پۆست پاريزگار سلێمانی.
نويسينگه‌ی ره‌سانن ئه‌نجوومه‌ن وه‌يزره‌يل كوردستانی له به‌ياننامه‌يگ ئه‌را(شه‌فه‌ق نيوز)وت: مه‌سه‌له‌ی دامه‌زرانن به‌هرۆز محه‌مه‌د ساڵح وه پاريزگار سلێمانی هويچ چه‌واشه‌كارييگ ياسايی و ده‌ستووری له‌تی نيه‌و هه‌ر له‌وه‌ر ئه‌وه‌يش وشداری دا رای گشتی و هيزه‌يل سياسی له هه‌رێم كوردستان ك وه‌و لێداوانه‌يله نه‌خه‌ڵتيه‌ن ك لايه‌نه‌يليگ له‌وه‌ر به‌رژه‌وه‌ندی تايبه‌ت خوه‌يان ده‌نه‌ی و هه‌ڕشه له سستم فيدراڵی ئه‌كا.
جی باسه، ئی به‌ياننامه دويای ئه‌وه هات ك دويه‌كه شه‌ممه ئه‌ندامه‌يل ئه‌نجوومه‌ن پاريزگای سلێمانی سه‌ر وه جشت گۆڕان تا ٢١ ئی مانگه موڵه‌ت دانه‌سه به‌هرۆز محه‌مه‌د ساڵح پاريزگار سلێمانی ده‌س له پۆسته‌گه‌ی بكيشيده‌و يا هه‌ڵوژاردن ئه‌نجوومه‌ن پاريزگايه‌يل له هه‌رێم ئه‌نجام بدريه‌يد.
ج . أ
