جویر کۆرۆنا.. ڤایرۆس نوویگ تویش شەمشەمەکورەیل تیەرێد لە چین

شەفەق نیوز/ ڤایرووس نوویگ جویر ڤایرۆس کۆرۆنا لە چین پەیاکریا کە شەمشەمەکویرەیل تویشی بوون، رخداری هەس لەباوەت پەتایگ تەندروسی ترەک هاوشیوەی "کۆڤید 19".

ڤایرۆسە نووەگە ناوی "ئتش کەی یوو 5 ـ سی ئۆ 2" یا  "HKU5-CoV-2"، ڤایرۆسەگە هووکارە ئەرا بیماری کۆرۆنا، هەمان چارەنویس مرۆیی دیرێد، وەپای راپۆرتیگ رووژنامەوانی "ساوس تشینا مورنینغ  پۆست" چینی.

توێژەرەیل ئەرایان دەرکەفت ڤایرۆسە نووەگە  توەنێد لەناوەین زینەوەرەیل جیاواز بڵاوبوود بیماریەگە توەنێد ئەرا ئایەم بگوازێد و لە کەسیگیش ئەرا کەسیگتر چوود.

زانای چینی تشنغ لی شی سەرپەرشتی تیمیگ لێکۆڵینەوەکەێد لە تاقیگای  غوانغتشو.

شی وەبان او  "شەمشەمەکورەی ژن" لە لێکوڵینەوەیگ کارکەێد لە پەیمانگای ووهان زانست ڤایرۆسەیل لە چین، کە رویوەروی رەخنە بوی لێوادانریا کە سەرچەوەی هەڵگردن ڤایرۆس کۆرۆنا بوی.

توێژەرەیل لە لێکۆڵینەوەیگ کە وەی دویاییە لە گۆڤار "سێل" بڵاویکردنە نویساننە :" ئێ توێژینەوە زنجیرەی نوویگ لە ڤایرۆسەیل  شەمشەمەکورە ئاشکراکرد، دووپاتکرد لەبان ئەو رخداریەیلە هەڵیگردیە".

لە لێکۆڵینەوەگە دەرکەفتیە، "HKU5-CoV-2" توەنێد تویش خانەیل مرۆڤ بوود، وەگەرد سویە و ریخەلوی کە لە تاقیگە دروسکریابوین.