ته‌قينه‌وه‌يگ له دوزخورماتوو ١٥پۆليس و٢ئاسايش كورد كوشت و زه‌خمدار كرد
2013-09-11T09:49:38+00:00
.
ئه‌و سه‌رچه‌وه له‌باسيگ ئه‌را(شه‌فه‌ق نيوز)وت: دويه‌شه‌و ديره وه‌ختيگ له قه‌زای دوزخورماتوو له‌خوه‌رهه‌ڵات شار تكريت سه‌ياره‌يگ مينڕيژكرياگ ته‌قيه خاڵيگ وشكانن هيزه‌يل هاوبه‌ش پۆليس و ئاسايش كورد، ك له‌ئاكام ئه‌و ته‌قينه‌وه ٢ كه‌س له پياوه‌يل ئاسايش و دووانيش له پياوه‌يل پۆليس كوشت و په‌نج پۆليس تر و سێ كه‌س تريش له‌پياوه‌يل ئاسايش زه‌خمدار كرد.
ئه‌و سه‌رچه‌وه ك نه‌تواس ناوی ئاشكرا بوود، يه‌يش ده‌رخست ك دويای كه‌ميگ هيزه‌يل ئاسايش ره‌سينه شوون رويداگه‌گه‌و زه‌خمداره‌يليش هه‌واڵه‌ی نه‌خوه‌شخانه‌و كوشياگه‌يل هه‌واڵه‌ی ته‌رمخانه‌ی پزيشكی كردنه.
ج . أ
