ترەمپ هەڵگەردانکاریگ لە ئینگلیزی ئەرا ئینگلیزی دامەزرنێد

شەفەق نیوز/ لە کۆنفرانسەیل رووژنامەنویسی هەنای رووژنامەنویسەیل بیانی وە زوان ئینگلیزی پرسیار کەن، دۆناڵد ترەمپ سەرۆک ئەمریکا وە ئەستەم لەلیان فامێد، وەی مدووە هەڵگەردانکاریگ دامەزرانییە لە ئنگلیزیەو ئەرا ئینگلیزی ئەڵگەردان ئەرای کەێد.

لە دیدارەگەی ناوەین دۆناڵد ترامپ   و نارێندرا مۆدیی سەرۆک وەزیرەیل هیندستان، سەرنج گشتی چیە بان ئەو هەڵگەردانکارە لە پشت ترەمپ دانشتوێد  کە هەمان پرسیار وەهەمان زوان ئەرا سەرۆک ئەمریکا دووارەو ئەکرد، یەش وە وەی مدووە ترەمپ وە ئەستەم لە شیوە زوانەیل رووژنامەوانەیل بیانی فامێد هەنای پرسیار وە ئینگلیزی کەن.