بازانی وشداری دا له‌باوه‌ت ريڕه‌و عراق وه‌ره‌و خراوتر
و جيگيركردن هاوبه‌شی راسكانی له پرووسه‌ی سياسی.
له به‌ياننامه‌ی سه‌رۆكايه‌تی هه‌رێم ئه‌را(شه‌فه‌ق نيوز)ئه‌وه ده‌ركه‌فت ك بارزانی هه‌وارگه‌ی سه‌ڵاحه‌دين پيشوازی كردگه له شانديگ له دووسه‌يل هه‌رێم كوردستان له په‌رله‌مان بريتانی و شانده‌گه داخداری خوه‌يان نيشان دانه له‌و رويداگ ترۆريستيه ك له كووتايی ئه‌يلوول گوزه‌يشت شار هه‌ولێر گرته ئامانج و له هه‌مان وه‌خت خوه‌شاڵ بوينه وه‌و هه‌ڵوژاردن و پرووسه‌ی سياسيه له كوردستان و جوور نموونه‌يی تاريفی كردنه له ناوچه‌گه.
هه‌ر له‌و ديداره بارزانی وشداری ئه‌وه دا ك ئه‌گه‌ر هات و ئاڵشتكاری خاسيگ ئه‌نجام نه‌دريه‌يد له بار ئيسه وه گووره‌ی جيوه‌جيكردن هه‌ڵوژاردنه‌يل و هاوبه‌شی راسكانی له عراق، ئه‌وه بيگومان بار عراق وه‌ره‌و خراوتر چوود.
جی باسه، هه‌ر له‌و ديداره هه‌ردوگلا باس له بار سياسی و ئه‌و پيشكه‌فتنه‌يل هه‌رێم كوردستانه كردن له‌ڕوی ئاوه‌دانی و خزمه‌تگوزرای و كه‌رت ته‌ندروسی له هه‌رێم و له‌هه‌مان وه‌خت سه‌رۆك هه‌رێم كوردستانيش ئاماده‌گی هه‌رێم نيشاندا ئه‌را نه‌فوه‌رگرتن له ئه‌زموون بريتانی له بواره‌يل جياجيای ته‌ندروسی.
ج . أ
