بارزانی له‌باوه‌ت سه‌رۆكايه‌تی حكوومه‌ت عراقی: ئه‌يه هه‌ق خوه‌مه‌و سه‌رۆك هه‌رێميش هه‌ق سه‌رۆكايه‌تی كومار ديريد
وه گووره‌ی ده‌ستوور، له‌وه‌ر ئه‌وه‌ك كورديگه عراقی و ئاماژه وه يه‌يش كرد ك خوه‌يشی هه‌ق كانديدكردن ديريد ئه‌را سه‌رۆكايه‌تی حكوومه‌ت له به‌غدا له‌وه‌ر هه‌مان هووكار.
بارزانی له ديمانه‌يگ وه‌ل رووژنامه‌ی شه‌رقولئه‌وسه‌ت ك(شه‌فه‌ق نيوز)ئاگاداری بوی، وت: له‌باوه‌ت قسه‌يل جاده‌ی عراقی له‌بان كانديدكردن مه‌سعود بارزانی سه‌رۆك هه‌رێم و سه‌ركرده‌ی پارت ديموكرات كوردستان ئه‌را سه‌رۆكايه‌تی كومار تا ئيسه‌يش هويچ زانيارييگ له‌باوه‌تيه‌و نيه، وه‌لی ئه‌گه‌ر هات و رويدا مه‌سه‌له‌يگ ئاساييه، چوينكه سه‌رۆك هه‌رێم كورديگه عراقی و هه‌ق خوه‌يه كانديد بكريه‌يد ئه‌را پۆست سه‌رۆكايه‌تی كومار عراق وه‌گووره‌ی ده‌ستوور عراقی.
له‌وه‌ختيگيش ك په‌يامنێر رووژنامه‌گه پرسيار له‌بان نهێنی يايگرتن زووان عه‌ره‌بی له‌لی كرد ك ئايا له‌وه‌رخاتر كاننديكردنيه ئه‌را سه‌رۆكايه‌تی حكوومه‌ت عراقی؟ وه زه‌رده خه‌نگيگه‌و وته‌پی: ئه‌راچه نه؟ من كورديگم عراقی و ده‌ستووريش ئی زامن ئی هه‌قه كردگه.
ج . أ
