بارزانی زه‌نگ"روخسار" كوتاو ئاشكرای ده‌سوه‌پيكردن ساڵ تازه‌ی خوه‌ندن كرد له كوردستان
و هه‌ر وه‌و بوونه‌يشه‌و له خوه‌ندنگای "روخسار"سه‌ره‌تايی له شار هه‌ولێر وه ئاماده‌بوين نه‌يچێروان بارزانی سه‌رۆك حكوومه‌ت هه‌رێم و عسمه‌ت محه‌مه‌د خالد وه‌زير په‌روه‌رده پيشوازی له ڕی وڕه‌سم ساڵ تازه‌ی خوه‌ندن كرياو سه‌ره‌تای ئه‌و ری و ڕه‌سميشه وه به‌رزه‌وكردن ئاڵای كوردستان و سروود نيشتمانی كوردی ده‌س وه‌پيكرد.
بارزانی له وتاريگ له‌و ڕی وڕه‌سمه ك(شه‌فه‌ق نيوز)ئاماده‌ی بوی، جه‌خت له‌بان گرينگی زانست كرد له په‌ره‌داين كوومه‌ڵگايه‌يل و ئاره‌زوو يه‌يش كرد ك ساڵ تازه‌ی خوه‌ندن ساڵ زانست و پيشكه‌فتن بوود له هه‌رێم.
بارزانی هه‌ميش وت: ڕی فريه‌يگ بڕيمنه‌و مامۆستايه‌يليش قوربانيه‌يل فريه‌يگ دانه له‌وه‌ر خاتر نه‌وسيان ريڕه‌و په‌روه‌رده‌يی له هه‌رێم و هه‌ميشه نه‌خشيان له‌وه‌رچه‌و گرتيمنه، ك هه‌رچه‌نی جاران تون وتيژی له خوه‌ندنگايه‌يل وجوود داشت، وه‌لی ئيسه ئه‌و ديارده نه‌مه‌ندگه‌و خوازياريم له مامۆستايه‌يل هان خوه‌ندكار بيه‌ن تا مقه‌يه‌ت خوه‌ندنيان بوون.
ج . أ
