بارزانی دوياخستن هه‌ڵوژاردنه‌يل په‌رله‌مان كوردستان ره‌ته‌و كرد
ئومێد سه‌باح قسه‌كه‌ر وه‌ناو سه‌رۆكايه‌تی هه‌رێم كوردستان له لێدوانيگ ئه‌را (شه‌فه‌ق نيوز) وت: ماوه‌يگه ميديايه‌يل باس له لێدوانه‌يل بڕێگ له وه‌رپرسه‌يل سياسی كه‌ن له‌باوه‌ت دوياخستن هه‌ڵوژاردنه‌يل په‌رله‌مان كوردستان، هه‌ر له‌وه‌ر ئه‌وه‌يش سه‌رۆكايه‌تی هه‌رێم خوازياره ئاگادار رووڵه‌يل ملله‌ت كوردستان بكا ك مه‌سعود بارزانی سه‌رۆك هه‌رێم وه هويچ شيوه‌يگ وه‌ل دوياخستن هه‌ڵوژاردنه‌يل نييه‌و جوور خواستيگ زانيده‌ی ك له‌وه‌خت بڕياردرياگ خوه‌ی ئه‌نجام بگريدو دوير بوود له‌هه‌ر كيشه‌و گرفتيگ.
جی باسه، سه‌رۆكايه‌تی و هه‌رێم و حكوومه‌ته‌گه‌ی بڕيار ئه‌وه دان ك هه‌ڵوژاردنه‌يل په‌رله‌مان كوردستان له ٢١ ئه‌يلوول ئاينده ئه‌نجام بدريه‌يد، وه‌لی كۆمسيۆن باڵای سه‌روه‌خوه‌ی هه‌ڵوژاردنه‌يل خوازيار دوياخستنيه ئه‌را ٢١ ته‌شرين دويه‌م ئاينده وه‌ل هه‌ڵوژاردنه‌يل ئه‌نجوومه‌ن پاريزگايه‌يل هه‌رێم.
ج . أ
