بارزانی: توانای دامه‌زرانن گشت ده‌رچگه‌يل نه‌يريم
2013-11-25T12:03:35+00:00
بارزانی له وتاريگی له‌وه‌خت وازكردن نمايشگای كار له هه‌ولێر ك(شه‌فه‌ق نيوز)ئاماده‌ی بوی، وت: ئی نمايشگا جوور پيه‌ڵ په‌يوه‌نديه له‌ناونی خاوه‌ن كاره‌يل و ئه‌وانه‌گ گه‌ردنه شوون كار.
بارزانی هه‌ميش وت: حكوومه‌ت هه‌رێم ته‌ماشای ئه‌و پيشكه‌فتن هه‌رێمه ناكا ته‌نيا له بواره‌يل ئاوه‌دانی و ئابووری، به‌ڵكوو مه‌ردم هه‌رێم كوردستان چوين نه‌ف له‌ی پيشكه‌فتنه وه‌رگرن له‌ڕوی دابينكردن كار و به‌رزه‌وكردن ئاست گوزرانيان.
جی باسه، بارزانی داوا له‌و كومپانيايه‌يل بيگانه كرد ك له هه‌رێم كاركه‌ن، وه‌گووری ديزاين و شيوازه‌يل جه‌هانی كار بكه‌ن و ده‌رفه‌ت كار ئه‌را جايه‌ڵ جوانه‌يل كوردستانی دابين بكريه‌يد.
ج . أ
