ئئتلاف نوجێفی خوازياره له حكوومه‌ت عراقی جوور سه‌در هه‌ڵويست داشتوود
له وه‌رانوه‌ر لێدوانه‌يل تايفه‌گه‌ری سائر ده‌ڕاجی و داوايش له حكوومه‌ت عراقی كرد هه‌ڵويستی جوور هه‌ڵويست سه‌در بوود.
ئئتلاف مته‌حدون له به‌ياننامه‌يگ ئه‌را(شه‌فه‌ق نيوز)وت: سوپاسگوزار هه‌ڵويست نيشتمانی سه‌يد موقته‌دا سه‌دريم له‌باوه‌ت لێدوانه‌يل ده‌ڕاجی و ئی هه‌ڵويسته ئنتمايگه نيشتمانی و هوشياری به‌رزيگه له سه‌ركرده‌ی ره‌وت سه‌دری.
به‌ياننامه‌گه يه‌يش ده‌رخست، ك هه‌ڵويست سه‌در نه‌ك هه‌ر ته‌نيا پابه‌نديه وه ريڕه‌و نيشتمانی، به‌ڵكوو ئاشكرای هه‌ڵويسته‌يل خاستريش ئه‌كا له‌لايه‌ن بڕيگ تر له سه‌ركرده‌يل عراق وه‌تايبه‌ت ئه‌وانه‌ك خوازيار مقه‌يه‌تيكردن ئی وڵاته‌نه له تايفه‌گه‌ره‌يل و بكوشه‌يل و تاوانباره‌يل.
جی باسه، له‌ی دوياخره له شريتيگ ڤيدۆيی له‌بان ماڵپه‌ڕ په‌يوه‌نديه‌يل كوومه‌ڵايه‌تی سائر ده‌ڕاجی و بڕيگ له‌لايه‌نگره‌يلی سووكايه‌تی وه ئه‌سحابه‌يل په‌يغه‌مبه‌ر كردنه له‌ناوڕاس شار ئه‌عزه‌ميه.
ج . أ
