ئئتلاف مالكی مه‌هانه‌ی فراكسيۆنه‌يل ره‌ته‌وكه‌ر له‌باوه‌ت جيوه‌جيكردن ژيرخان ئابووری خسته دروو
و ئاشكرای ئه‌وه كرد ك ئه‌و ره‌ته‌وكردنه هووكاريگ سياسی بويه.
ئحسان عه‌وادی ئه‌ندام ئئتلاف ئه‌را(شه‌فه‌ق نيوز)وت: ئه‌و فراكسيۆنه‌يل سياسيه دانيشتنيگ ساز كردن و ريككه‌فتن له‌بان په‌سه‌نكردن ياسای ژيرخان ئابووری له‌شوون تاوتويكردنه‌يل فريه‌يگ و گشت ئه‌و پيشبينی و پيشنياره‌يليشه ك ئه‌وان باسی كردنه خريا چوارچيوه‌ی ياساگه.
عه‌وادی هه‌ميش وت: قسه‌ی ئه‌و فراكسيۆنه‌يل سياسيه ك ده‌نگداين له‌بان ياساگه ره‌ته‌وكردن نادروس و نادقه‌ته‌و دويره له‌ڕاسی، چوينكه په‌كخستن ياساگه هووكاره‌گه‌ی سياسی و هويچ مه‌هانه‌يگ نه‌يريد له‌ڕوی ياساييشه‌و حكوومه‌ت هه‌ق ئه‌وه ديريد جاريگتر ئه‌و ياسا كله‌و بكا ئه‌را ئه‌نجوومه‌ن نوێنه‌ره‌يل.
جی باسه، ده‌ق پرووژه ياساگه ك له‌لايه‌ن حكوومه‌ته‌و پيشكه‌ش كريا باس له دامه‌زرانن پرووژه‌يل ژيرخان ئابووری ئه‌كا وه شيواز خه‌رجكردن دوياخرياگ يا ئاجل وه بڕ ٣٧ مليار دۆلار.
ج . أ
