گه‌وراترين هاوپه‌يمان سه‌ربازى جه‌هانى و پێشمه‌رگه داواكارييگ له حكومه‌ت تازه‌ى كوردستان ديرن
شه‌فه‌ق نيوز/ ليژنه‌ى باڵاى هاوبه‌ش هيزه‌يل هاوپه‌يمان ناوده‌وڵه‌تى و وزاره‌ت پێشمه‌رگه، داواى ئه‌وه كردن پرووسه‌ى خاسسازى و ريكخستنه‌وه‌ى هێ.ه‌يل پێشمه‌رگه ئه‌وله‌ويه‌ت كاره‌يل سه‌رۆكايه‌تى هه‌رێم كوردستان و حكومه‌ت تازه‌گه‌ێ بدێ ئه‌را چوارساڵ ئاينده.
له به‌ياننانه‌كه‌ى وه‌زاره‌ت پێشمه‌رگه ئه‌را شه‌فه‌ق نيوز ئه‌وه ده‌ركه‌فت ك ليژنه‌ى باڵاى هاوبه‌ش وه‌زاره‌ته‌گه‌و هيزه‌يل هاوپه‌يمان ناوده‌وڵه‌تى وه سه‌رپه‌رشتى كه‌ريم سنجارى وه‌زير پێشمه‌رگه وه وه‌كاله‌ت دانيشتنيگ ساز كرياگه وه ئاماده‌بوين جه‌نراڵ غرۆكر سه‌ركرده‌ى مه‌كته‌ب ئه‌منى هاوبه‌شه له عراق و باڵيۆز گشتى هه‌ريه‌ك له ئه‌مريكاو بريتانيا و ئه‌ڵمانيا له هه‌رێم كوردستان و سه‌ربه‌ست له‌گين بريكار وه‌زاره‌ت پێشمه‌رگه و فه‌ريق جه‌بار ياوه‌ر ئه‌ميندار گشتى و فه‌ريق جه‌مال محه‌مه‌د سه‌رۆك ده‌سه‌ى ئه‌ركان و له‌و دانيشتنه باس له پرووچه‌ى خاسسازى پێشمه‌رگه‌و جه‌خت له‌بان جيوه‌جيكردن ئه‌و پلانه كرياگه.
به‌ياننامه‌گه وت: هه‌ردوگلا له‌و دانيشتنه ريككه‌فتنه له‌بان ئه‌وه‌گ سه‌رۆكايه‌تى هه‌رێم و حكومه‌ت ئاينده له هه‌رێم پرووژه‌ى خاسسازى پێشمه‌رگه‌و ريكخستنه‌وه‌ى هيزه‌يلى بكاده ئه‌وله‌ويه‌ت كاره‌يلى ئه‌را چوارساڵ ئاينده.
