کوردەیلە: بەڵی ئەرا حكومەتەگەی کازمی
2020-05-03T17:02:20+00:00
شەفەق نیوز/ هاوپەیمان دیموکراتی کوردستان، روژ یەکشەممە خه‌وه‌ر دا كە دەنگ وه حكومەتەگەی موستەفا کازمی، سەرۆک وەزیران راسپێردراگ ده‌ید.
رێبوار کەریم، نویەنەر هاوپەیمانەگە، ئەرا شەفەق نیوز وت: موستەفا کازمی، سەرۆک وەزیران راسپێردریاگ، کەسایەتی قەبول کریاگە، وخاوەن پەیوەندیەل فراوانیگە، وخوازێد لە ماوە دستوریەگە حوکمەتەگەی دروس بکەێد.
وتیش؛ کوردەیلە پشتگیری لە کازمی کەن، ودەنگ وە بەڵی دەنە ئەو حوکمەتە ک خەێدە وەردەس پەڕلەمان. لەباوەت کاندید وزارەت دارایی، کەریم دیاری کرد؛ ک هیمان گفتوگۆ ئەرا یەکلاوەکردن کاندید وزارەتەگە وەردەوامە.
فراکسیۆنە کوردەگان وەگشتی ٥٨ کورسی لە پەڕلەمان عیراق دیرن.
