پێشمه‌رگه هه‌وڵيگ دزه‌كردن داعش له‌ناونى دياله‌و هه‌رێم كوردستان پويچه‌ڵه‌و كرد
شه‌فه‌ق نيوز/ سه‌رچه‌وه‌يگ ئه‌منى، ئاشكراى پويچه‌ڵه‌وكردن هه‌وڵيگ دزه‌كردن چه‌كداره‌يليگ ريكخرياگ تيرۆريستى داعش كرد له‌لايه‌ن هيزه‌يل پێشمه‌رگه‌وه له‌ناونى پاريزگاى دياله و هه‌رێم كوردستان.
سه‌رچه‌وه‌گه ئه‌را ئاژانس شه‌فه‌ق نيوز وت: ده‌مه‌و شه‌وه‌كى ئمڕوو هيزه‌يل پێشمه‌رگه چه‌ويان له شماره‌يگ چه‌كدار داعش بويه له ده‌ورگرد ناوچه‌ى كوڵه‌جۆ له‌باكوور ناحيه‌ى جه‌له‌ولا له پاريزگاى دياله له‌ڕێ كاميراى حه‌رارى و ته‌قه له‌ليان كردنه‌و ناچار واينيان كردنه، باس له‌وه‌يش كرد ئه‌و ناوچه ك تواسنه دزه له‌ليه‌و بكه‌ن كه‌فته‌سه چوارچيوه‌ى مه‌رزه‌يل قه‌زاى كه‌لار له هه‌رێم كوردستان.
سه‌رچه‌وه‌گه وت: هيزه‌يل پێشمه‌رگه له‌ڕێ مه‌فره‌زه‌يل چه‌وديرى تويه‌نستنه ئه‌و هه‌وڵه پويچه‌ڵه‌و بكه‌ن وه‌ل پويچه‌ڵه‌وكردن هه‌وڵه‌يل تر له گوزه‌يشته وه‌ره‌و مه‌رزه‌يل باكوور خانه‌قين و باس له‌وه‌يش كرد ك مه‌ترسيه‌يل داعش هيمان وجوود ديرێد له‌ناونى مه‌رزه‌يل خانه‌قين و كه‌لار.
