پياويگ له هه‌ولێر دويه‌تيگى كوشت و خوه‌يشى له شوونى كوشت
2020-04-30T12:20:10+00:00
شه‌فه‌ق نيوز/ ده‌مه‌و شه‌وه‌كى ئمڕوو، پياويگ په‌لامار ماڵ زاوايگى دا له قه‌زاى به‌نسڵاوه له پاريزگاى هه‌ولێر.
وه‌گووره‌ى ئه‌و زانياريه‌يله ك كه‌فتنه‌سه ده‌س شه‌فه‌ق نيوز، ئه‌و پياوه وه ناو(د ، ع) ده‌مه‌و شه‌وه‌كى ئمڕوو چيه‌سه ناو ماڵ زاواگه‌ى و دويه‌ته‌گه‌ى خوه‌ى وه چه‌ك كوشتگه.
زانياريه‌يل له‌ى باوه‌ته‌و ئاماژه وه ئه‌وه ئه‌كه‌ن پياوه‌گه دوياى كوشتن دويه‌ته‌گه‌ى له هه‌مان وه‌خت خوه‌يشى كوشتگه، باس له‌وه‌يش ئه‌كريه‌ێد هاوسه‌ر ژنه كوشيايه‌گه هه‌يوايه‌و چيه‌سه‌ڕا شوونيگ ناديار.
