پارتی: وەی نزیکە کۆبونەوەگە وەل یەکێتی نیشتمانی بەسیەێد
شەفەق نیوز/ فازل میرانی سکرتێر مه‌كته‌ب سیاسی پارتی دیموکراتی کوردستان، ئمڕوو یەکشەممە، دووپاتەوە کرد کە حزبەگەی وەی نزیکە کۆبونوەیگ وەگەرد یەکێتی نیشتمان کوردستان بەسیەێد.
میرانی دویای سەردانی ئەرا وزارەت تەندروسی لە هەولێر، ئەرا روژنامەنویسه‌یل وت؛ هەردگ حزبە سەرەکیەگه وەی نزیکە کۆبونەوه كه‌ن.
هه‌میش لەباوەت ڤاێڕۆس کۆڕۆنا وت؛ ئەو گامەیلە ک حوکومەت هەرێم نایە ئەرا نواگیری له پەتاگە، هانوای حکومەتەیل ناوچەگە و ئه‌نجام خوەشیگ هاورد.
سەرچەوەیگ لە یەکێتی نیشتمان کوردستان، روژ جومعە، خه‌وه‌ر له دویاخستن کۆبونەوەگە دا وه‌خاتر قسه‌یل هێمن هەورامی، ک پەلامار یەکێتی نیشتمان دا دویای ده‌رچگن نوێنەرەیل ئه‌و حزبه له دانیشتن تایبەت وە هەڵگردن حەسانەت لە پەڕلەمانتار سۆران عومەر.
بەرپرسیگ لە یەکێتی نیشتمانی کوردستان، روژ شەممە، باس کرد ک دیاری کردن روژ کۆبونەوەی دوولایی وەل پارتی دیموکراتی کوردستان ، گریەدریاگە وە کەمەوکردن ناکۆکی ناوبەین هەردگلا.
