پارتی: لهی وهخته گونجیاگتر ئهڕا ئعلان دهوڵهت كوردستان نییه
![پارتی: لهی وهخته گونجیاگتر ئهڕا ئعلان دهوڵهت كوردستان نییه](https://media.shafaq.com/media/archive/files/Archive.jpg)
میرانی باس ئهوهیش كردگه ك له سهردانهگهێ ههفتهێ گوزهیشتهی سهرۆك ههرێم كوردستان مهسعود بارزانی ئهڕا وڵات ئۆردۆن، ئاڵاێ كوردستان له شان ئاڵاێ وڵاتهیلتر ههڵكریاويد.
وهیهیش ئاماژه كردگه، سهرههڵداین " داعش " وهشێوهێ كوتوپڕ كێشه نییه، وهلێ فراوانبوينێ له ڕێكخراوێگهو ئهڕا دهوڵهتێگ له شان كوردستان جێ پرسیار و تیڕامانه.
له باوهت بارودۆخ (عراق)یش میرانی جهخت كردگه، خراو ئدارهكردن، عراق ڕهسانگهسه ئی ڕووژه، یهیش خستگهسه ڕوی ك حهمرین نه كورد دروسێ كردگه نهیش عهرهب بهڵكم خودا دروسێ كردگهو یهیش ئاماژهێگه ئهڕا زنجیرهكويهیل حهمرین ك كورد وه سنوورهیل سروشتی خوهێ زانێدهێ.
میرانی ئاماژه كردگه ئهرا ئهوه ك كورد وهرپرسیار نییه لهوهگ له عراق وهدیهاتگه، بهڵكم خراو ئدارهكردن دهسهڵات، عراق ڕهسانگهسه ئی قوناغه.
له بان یهیش جهخت كردگه ك ههر مللهتێگ ماف خوهێه چارهنويس خوهێ دیاری بكاو یهیش یهكێگ له مافهیل ئادهمیزاده، ئهویش خستگهسه ڕوی ك كورد باس دیاریكردن چارهنويس كهێد نهگ جیاوهبوين و وهختێگ باس ڕاپرسی كهێد باس دهوڵهت نیهكهێد.
له بهشێگتر قسهگانێ ئی پرسیاره ورووژانگه ك ئایا له كام دهستور جههانی ماف دریاگهسه پێكهاتهێگ ك سهروهخوهێ بوود وهلێ نهتويهنێ سهروهخوهيی ئعلان بكهێد؟ باس ئهوهیش كردگه ك بهحرهین له ههولێر بويچگترهو رويوهرهگهێ 28 ههزار كیلومهتر چوارگووشهس و دهوڵهت سهروهخوهێگه و قهتهر گشتێ 300 ههزار كهسه، ئهڕا دروسكردن دهوڵهت ئهڕا ئهوان ڕهواس و ئهڕا كورد نه.
میرانی جهخت كردگه، بارودوخ ئیسه خاسترین دهرفهته ئهڕا ڕاگهیاندن دهوڵهت كوردستان و وهیهیش ئاماژه كردگه ك سوریا و عراق دی جوور دو دهوڵهت وجود نهێرن و ئیران وتوركيایش كێشه و گرفتهیل خوهیان دێرن و ئهگهر كورد دهوڵهت خوهێ ئعلان بكهێد وڵاتهیل تر كێشه ئهڕاێ دروس نیهكهن چوینكه بهرژهوهندی هاوبهش وهل كورد دێرن.