يەکێتی ئەوروپا و فینلاند لە دیدار نێچیروان بارزانی
![يەکێتی ئەوروپا و فینلاند لە دیدار نێچیروان بارزانی](https://media.shafaq.com/media/arcella/1628003426838.jpg)
شەفەق نیوز/ نوێنەر یەکێتی ئەوروپا لە هەولێر و باڵوێز فینلەندا لە عراق، ئمڕوو سێشەممە، ئەرا نێچیروان بارزانی سەرۆک هەرێم کوردستان دووپات پابەندییان وە گەشەپیدان پەیوەندیەیلیان وەرد هەرێم کوردستان کردن.
نووسینگەی بارزانی لە بەیاننامەیگ رەسیە ئاژانس شەفەق نیوز وت: سەرۆک هەرێم کوردستان پێشوازی لە فانسانت گیوم بوبو نوێنەر یەکێتی ئەوروپا لە هەولێر، و فیسا هاککینن باڵوێز فینلەندا لە عراق کرد، ک هەردوگیان سەردان ماڵئاوایی کردن لە کۆتایی ئەرکەیلیان، وەگەرد ماڵئاواییکردن، سەرۆک نێچیروان بارزانی باس سوپاس و رێز خوەی ئەرا کارەیلیان لە هەرێم کوردستان و عراق کرد و پیرووزیتن کرد، و ئومید سەرکەفتن لە ئەرکەیل نوویان خوازێد.
لەلای خوەیانیش نوێنەر یەکێتی ئەوروپا لە هەولێر و باڵوێز فینلەندا لە عراق سوپاس لە سەرۆک بارزانی ولایەنە پەیوەندیدارەکان لە کوردستان لە دەسمیەتی و پاڵپشتیکردییان، و جەخت پابەندی یەکێتی ئەوروپا و فینلەندا ئەرا گەشەپیدان پەیوەندیەیلیان وەرد هەرێم کوردستان کردن.
لە چەوپیکەفتنەگەی وەرد نوێنەر یەکێتی ئەوروپا، بارزانی دووپات لە پابەندبوون هەرێم کوردستان وە مقەیەتیکردن ماف مرۆڤ و ئازادی باسکردن و خاسەوکردن کار دادگایلە و دەسەڵات دادوەری کرد، و باس لە گرنکی سوودگردن هەرێم کوردستان لە ئەزموونەیل یەکێتی ئەوروپا لەی چینە کرد.
باسەیل لە بڵاوبوین ڤایرۆس کۆڕۆنا و چین نووەوبوی دەلتا، و رەوشەیل هەرێم کوردستان، و مەترسیەیل داعش، دەور ئەوروپا و فینلەندا و هەرێم کوردستان و عراق، تاوەرەیلیگ بوین لە دوو چەوپیکەفتنەگە.