وەزیر پەروەردەی هەرێم کوردستان هوشداری لە فەوتانن ساڵێگ خوەنستن دا
2020-05-06T14:47:51+00:00
شەفەق نیوز/ ئاڵان حەمە سەعید وەزیر پەروەردە لە هەرێم کوردستان، ئمڕوو چوارشەممە، هوشداری وە فەوتانن ساڵ خوەنستن ٢٠٢٠-٢٠٢١ دا، ئەگەر هەرێم تویش شەپۆڵیگ تر لە ڤاێڕۆس کۆڕۆنا هات لە وەرز پایز.
حەمە سەعید لە میوانداری پەڕڵەمان هەرێم ئمڕوو وت: بایەسە هویر لە تەنیا ساڵ خوەنستن ئیسە نەکەیمن، بەڵکم بایەسە بکەفیمنە هویر رزگارکردن ساڵ خوەنستن هاتگ، چوینکە ئەگەر لە وەرز پایز تویش شەپۆڵیگ تر لە ڤاێڕۆس کۆڕۆنا هاتیمن، گشت دەرەیل ناوەندەیل پەروەردە بەسیمن.
وتیش؛ هویچ گرەنتییگ لەبان کۆتایی ڤاێڕۆس کۆڕۆنا لە هەرێم کوردستان نیە. ئیمە وەڕێککەفتن وەل ئەنجومەن وەزیران، بڕیار دایمن وە کردنەوەی دەرەیل ناوەندە پەروەردیەگان ئەرا تاقیکردنەوەی کۆتایی لە پۆل یکەم تا پۆل ١١ وەگەرد مقەیەتی تەندروسی.
