وەزارەت تەندروسی کوردستان مردن چوار تویشهاتگ وه کۆڕۆنا راگەیاند
2020-06-07T13:19:08+00:00
شەفەق نیوز/ وەزارەت تەندروسی هەرێم کوردستان، ئمڕوو یەکشەممە، راگەیان ك چوار تویشهاتگ ڤایڕۆس کۆڕۆنا لە شار سلێمانی مردنه.
وەزارەتەگە لە بەیاننامەیگ ك رەسەیە ئاژانس شەفەق نیوز وت: چوار تویشهاتگ ڤایڕۆس کۆڕۆنای نووەوبوی کۆڤید ١٩ گیانیان لەدەسدان ، ک ئه‌وانیش پیاویگ و سێ ژن خەڵک شار سلێمانی بوین. دویای خەفاننیان لە خەسەخانە، ومەنینیان لە بەش چەودێری ورد، وەرگردنیان ئەرا ئامێر دەسمیەت هەناسەی دەسکرد، دویاجر مردن.
وەزارەتەگە پرسەو سەرەخوەشی ئەرا خاوەن مردگەیل کرد، و میدواربی لە پابەندبوین هاووڵاتیەیل وە رینمایه تەندروسیەگان.
