وە چەودیری هاوپەیمان ناودەوڵەتی سوپا و پێشمەرگە رەسینە رێککەفتن

شەفەق نیوز/ بەشار کیکی ئەندام ئەنجومەن نوێنەران لە پارت دیموکرات کوردستان، ئمڕوو چوارشەممە، ئاشکرای رەسین سوپای عراق وپێشمەرگە کرد ئەرا رێککەفتنیگ وە چەودیری هاوپەیمان ناودەوڵەتی وەسەرپەرشتی ئەمریکا ئەرا نواگردن مەترسی داعش لە ناوچە دابڕیایەگان.
دویای زیایبوین پەلامارەیل ریخریاگ داعش، هەردوگ لایەنەگە ئەرا چەن هەفتەیگە دانوستان کەن ئەرا مینەی شیوەی هاوبەشیگ وەئامنج پڕەوکردن بووشاییە ئەمنیەگان لە ناوچە دابڕیایەگان.
هەولێر پایتەخت هەرێم کوردستان، دویەکە سێشەممە، دویاترین هەڵمەتەیل دانوستانەگان وەخوەی گرد، وە ئامادەبوین شاندیگ پایه‌ بەرز لە هاوپەیمان ناودەوڵەتی.
کیکی ئەرا ئاژانس شەفەق نیوز وت: دانوستانەگان هەردوگ وەزارەت وەرگری و پێشمەرگە ئامانجەیلیگ ئەمنی خاسیگ وه‌ده‌س هاورد ئەرا چارەسەرکردن گرفتە گیرهاتگەیل، و پڕه‌وکردن بووشاییه‌ ئەمنیەگان و لەناوبردن داعش لە ناوچە دابڕیایەگان، وەگەرد هەماهەنگیکردن ئۆپراسیۆنە ئەمنیەگان.
وتیش: دانوستانەگان دروسکردن ٤ نووسینگە ئەرا هەماهەنگی ئەمنی ناوبەین هەردوگلا وەدەس هاورد، یەکیگیان لە نەینەوا و ئەواکان لە ئەو پارێزگاگان.