وێنه.. "په‌تا" نه‌ريته‌يل مانگ ره‌مه‌زان له خاسترين بازاڕيل هه‌ولێر وسان
2020-04-23T09:32:38+00:00
شه‌فه‌ق نيوز/ وه‌ى جووره جاده‌يل شار هه‌ولێر پايته‌خت هه‌رێم كوردستان، وه‌رجه رووژيگ له ده‌سوه‌پيكردن مانگ ره‌مه‌زان خوه‌يان دان نيشان، جياوازا له ساڵه‌يل وه‌رين له پاريزگاگه.
كاميراى شه‌فه‌ق نيوز گڕ خوارده ناو زياتر له جاده‌يگ - وه‌رجه قه‌يران په‌تا- بازاڕ قه‌ڵا، به‌تاڵ بوێ له جموجويل مه‌ردم، ئه‌ويش له‌وه‌ر جيوه‌جيكردن رێ وشوونه‌يل روێ وه‌ڕوێ بوينه‌وه‌ى په‌تاى كۆرۆنا له پايته‌خت هه‌رێم كوردستان.
بازاڕ قه‌ڵا جوور باقى جاده‌يل تر سه‌ره‌كى له هه‌ولێر به‌تاڵه له جموجويل له كه‌شيگ جيا ك هويچ وه‌ختيگ وه‌رجه ئيسه پاريزگاگه له‌يوا نه‌ويه ك زويتر دوكانداره‌يل و بازاڕ ئاماده‌كارى كرديان ئه‌را مانگ ره‌مه‌زان له‌گشت ساڵێگ، وه‌لێ يه‌يش جوور حاڵ به‌سانن مزگفت و مه‌سجده‌يل پاريزگاگه.
