وێنه.. ئاواره‌يل دهۆك مه‌ينه‌تيه‌يل خوه‌يان ئه‌را شه‌فه‌ق نيوز باس ئه‌كه‌ن
شه‌فه‌ق نيوز/ ئاواره‌يل له كه‌مپه‌يل پاريزگاى دهۆك له هه‌رێم كوردستان، زووم وه‌خته‌يليان وه كشوكاڵى ئه‌وه‌نه سه‌ر له‌وه‌ر دابينكردن قووت ژيانيان، وه‌ل ئه‌وه‌يشا داوا له هه‌ردوگ حكومه‌ت ناوه‌ندى و هه‌رێم ئه‌كريه‌ێد يارمه‌تييان بيه‌ێد و به‌رهه‌مه‌يليان بسينێد.
له‌و باوه‌ته‌و، خوديدا شه‌مدين ك ئاواره‌يگه له شه‌نگاڵ دوياى ئه‌وه‌گ پژيوى ژيانيان سه‌خته‌و بوى له‌ناو كه‌مپ، وه‌ل خيزانه‌گه‌ى روێ له زه‌ويكاڵى كرد ك كرايه‌ى كردگه ئه‌را كشتوكاڵى جووره‌يليگ له سه‌وزه‌مه‌نى.
شه‌مدين ئه‌را شه‌فه‌ق نيوز وت: گوزرانكان له‌بان كشتوكاڵ به‌نه دوياى دو ساڵ له ژيان سه‌خت و نه‌وين ده‌رفه‌ت ئه‌را گله‌وخواردنمان ئه‌را شه‌نگاڵ له‌وه‌ر نه‌وين ئاسايش و خزمه‌تگوزارى و ترس له هاتنه‌وه‌ى داعش.
له‌لايگ تريشه‌و، عادل خه‌يرى له كه‌مپ خانكى له خوه‌رهه‌ڵات دهۆك خه‌ريك كاره له باخيگ له ده‌ورگرد ده‌رياچه‌ى وه‌ربه‌س موسڵ وه‌ل بڕيگ تر له ئاواره‌يل.
خه‌يرى ئه‌را شه‌فه‌ق نيوز وت: ئيمه خه‌ريك كشتوكاڵيكردن ته‌ماته‌و خه‌يار و جووره‌يل تر له سه‌وه‌زه‌مه‌نييم ئه‌را پڕكردنه‌وه‌ى هه‌وه‌جه‌يل بژيويمان و دوياى قه‌يران ڤايرۆس كۆرۆناو قه‌يه‌غه‌ى هاتوچوو له‌ناو كه‌مپه‌گه‌مان دى ناتويه‌نيم وه‌رده‌وامى به‌يمنه كاره‌يلمان.
لاى خوه‌ييشه‌و ئه‌زهه‌ر ده‌هار ك خه‌ريك شه‌تڵ ناينه له باخيگ، داوا له حكومه‌ت هه‌رێم كوردستان كرد قاپى بازاڕكردن واز بكا ئه‌را ئه‌وه‌گ بتويه‌نن به‌رهه‌مه‌يليان بفرووشن و ميوه‌و سه‌وزه له ده‌يشت هه‌رێمه‌و نه‌يه‌رن.
