وینە.. له‌ناوچوین هەزاران ماسی لە یەکیگ لە قەزاگان هەرێم کوردستان
شەفەق نیوز/ قایمقامیەت قەزای سەید سادق سەروە پارێزگای سلێمانی، ئمڕوو پەنجشەممە، راگەیان ك نزیەکەی ٨ هەزار ماسی لەناو كێڵگەی ئیوەتکردن ماسی، لەوەر پیسبوین ئاوەگە مردارەوبوین.
قایمقامیەتەگە لە بەیاننامەیگ ئمڕوو رەسیە ئاژانس شەفەق نیوز وت: دویەکە ئیوارە دویای ئەوە ک خەوەردار کریایمن لە لایەن کشاوەرزیگ وە مردارەوبوین گشت ماسیەگانی لەناو كێڵگەی ئیوەتکردن ماسی لە یەکیگ لە ئاوایەگان سەروە قەزاگە، وەکوتپڕ دەسەیگ تایبەت دروسکریا و سەردان كێڵگەگە کرد، ودەسکردە مینەی هووکارەیل مردارەوبوین ئەو بڕه ماسیە.
بەیاننامەگە دیاری کرد؛ دویای مینەکردن و لێکۆڵینەوە لە لایەن دەسەگە، و پزشکە ئاژەڵیەگە لە ناحیەی سەید سادق، دەرکەفت ک ئەو ماسیەیلە لەوەر ژەهری و پیسبوین ئاوەگە وە پێکهاتەی ئەمۆنیا له‌ناوچوینه.
بەیاننامەگە هەمیش وت: بەرزەوبوین ئاست ئەو پێکهاتە هیشت ئۆکسجین لەناو گوڵەمەگە بووڕیەێد، و لەوەر ئاڵشت نەکردن ئاوەگەی ژەهرینەو بوی.
