وینە.. ئاگریگ بڵووزەدا لە کامپ ئاوارەگان لە دهۆک
2020-07-17T13:22:06+00:00
شەفەق نیوز/ ئمڕوو جومعە وەرجە نیمەڕو، ئاگریگ هەڵسیا لە کامپ ئاوارەگان لە پارێزگای دهۆک لە هەرێم کوردستان.
بیوزر عەبدولعەزیز وەرپرس راگەیانن فەرمانگەی ئاگرکوژینەوەی پارێزگای دهۆک ئەرا ئاژانس شەفەق نیوز وت: ئاگریگ بڵویزەدا لە ساعەت پەنج شەفەق ئمڕوو جومعە، لە کامپ قادیا خوەرئاوای پارێزگای دهۆک، و ئاماژەدا ک ئاگرەگە هەفت چادر سزان لەناو کامپەگە.
وتیش: ئاگرەگە زەرەد دارایی دا له ئاوارەگان وەبی زانستن هووکار ئاگرەگە.
موقەدەم عەبدەلعەزیز هەمیش وت: تیمەیل ئاگرکوژینەوە لە ناوەند زاخۆ وەزوی رەسینە شوون ئاگرەگە، و ئاگرەگە کپەو کردن، و راپۆرتیگ وە زەرەدەگان ئامادە کردن.
