وينە.. پڕبوین بەنداویگ وەبەرزەوبوین ئاو فرەیگ لە بەنداویگتر لە هەرێم کوردستان
2023-03-09T09:50:29+00:00
شەفەق نیوز/ وەڕیەوبەر بەنداو دێوانە لە پارێزگای سلێمانی، ئمڕوو پەنجشەممە، پڕبوین بەنداوەگە وەشیوەی تەواویگ راگەیان، ئەوەیش دویای کەمتر لە ساڵیگ لە بیناکردنی.
ئی بەنەداوە کەفێدە ناوبەین قەزای دەربەندیخان و قەرەداغ وەرەو باشوور سلێمانی.
ئەندازیار شێخ جەمال حەمە ئیسماعیل وەڕیەوبەر بەنداو دێوانە ئەرا ئاژانس شەفەق نیوز وت: لە ئەنجام ئەو واران رفتە ک لە دویکەو تا ئیسە وارێد، بەنداوەگە وەتەواوی پڕ بوی.
وتیش: بڕ ئاوەگەی ئیسە لەناو بەنداوەگە رەسێدە ٢٠ مەلیۆن مەتر شەشپاڵوو، ک یە یەکەمین جارە بڕ ئاوەگە بڕەسێدە ئی سنوورە، دویای ئەوە ک پارەکە بەنداوەگە تەواو کریا.
لە باوەت بڕ ئەو وارانە ک لەبان ناوچەی قەرەداغ واریە، وەڕیەوبەر بەنداو دێوانە وت: لە ٢٤ ساعەت گوزەشتە بڕ وارانەگە رەسیە ١٩٨ ملم، ک یە بەرزترین ئاستە وەماوەی ساڵەیل گوزەشتە.
سەرچەوەیگ ئاگاداریش ئەرا ئاژانس شەفەق نیوز وت: بەنداو دەربەندیخان وە نزیکەی ١٧ سانتیمەتر زیای کردگە، و بڕ ئاو ئەمساڵ وە ٤ مەتر لە پارەکە فرەترە.
